Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
സൗദിയിൽ ചൊവ്വാഴ്ച രണ്ട് കോവിഡ് മരണം, യു.എ.ഇയിൽ ഒരാൾ കൂടി മരിച്ചു 

March 31, 2020

March 31, 2020

റിയാദ് :  സൗദി അറേബ്യയില്‍ ഇന്ന് രണ്ട് പേര്‍ കൂടി കോവിഡ് ബാധിച്ച് മരിച്ചു. ഇതോടെ രാജ്യത്ത് മരണസംഖ്യ പത്തായി ഉയര്‍ന്നു. മദീനയില്‍ രണ്ട് വിദേശികളാണ് മരിച്ചത്. ഇന്ന് മാത്രം 110 പേര്‍ക്ക് വൈറസ് ബാധ സ്ഥിരീകരിച്ചതോടെ രോഗ ബാധിതരുടെ എണ്ണം 1563 ആയി.

രോഗമുക്തി നേടിയവരുടെ എണ്ണവും കൂടിയിട്ടുണ്ട്. ഇന്ന് മാത്രം 50 പേര്‍ രോഗമുക്തി നേടിയതോടെ ആകെ രോഗമുക്തി നേടിയവരുടെ എണ്ണം 165 ആയി ഉയര്‍ന്നു. ഇന്നലെയും ഇന്നുമായി വിദേശത്ത് നിന്നെത്തി ഹോട്ടലുകളില്‍ നിര്‍ബന്ധിത ക്വാറന്റൈനില്‍ നിര്‍ത്തിയിരുന്ന മുവ്വായിരത്തോളം പേരെ വിട്ടയച്ചിട്ടുണ്ട്.

ഇന്നത്തെ പ്രവിശ്യ തിരിച്ചുള്ള കണക്ക് ഇങ്ങിനെ. റിയാദ് 33, ജിദ്ദ 29, മക്ക 20, ഖതീഫ് 7, ഖോബാര്‍ 4, ദമ്മാം 3, മദീന 3, ഹൊഫൂഫ് 2, ദഹ്റാന്‍ 2, ജിസാന്‍ 2, അല്‍ ബദഇയ്യ 1, അബഹ 1, ഖമീസ്മുശൈത്ത് 1, റാസ് തനൂറ 1, അല്‍ ഖഫ്ജി 1 എന്നിങ്ങിനിയൊണ് ഇന്നത്തെ കണക്കുകള്‍.‌

പുതിയ കണക്കുകള്‍ കൂടി വന്നതോടെ തലസ്ഥാനമായ റിയാദില്‍ രോഗികളുടെ എണ്ണം 573 ആയി. മക്കയില്‍ 246 ഉം കിഴക്കന്‍ പ്രവിശ്യയില്‍ 290 കവിഞ്ഞു. മദീനയില്‍ പുതിയ കേസുകളൊന്നും റിപ്പോര്‍ട്ട് ചെയ്തിട്ടില്ല.

യു.എ.ഇ യിൽ ഇന്ന് ഒരാൾ കൂടി മരിച്ചതോടെ രാജ്യത്തെ മൊത്തം മരണസംഖ്യ ആറായി.67 വയസുള്ള ഏഷ്യൻ പൗരനാണ് ഇന്ന് മരിച്ചത്. ഇന്ന് 31 ഇന്ത്യക്കാരടക്കം 53 പേർക്ക് കൂടി രോഗം സ്ഥിരീകരിച്ചിട്ടുണ്ട്.

ഇതോടെ ആകെ രോഗികളുടെ എണ്ണം 664 ആയി. നേരത്തേ രോഗം സ്ഥിരീകരിച്ചവരുമായി ബന്ധപ്പെട്ട് നടത്തിയ പരിശോധനയിലാണ് കൂടുതൽ കോവിഡ് ബാധിതരെ കണ്ടെത്തിയതെന്ന് ആരോഗ്യമന്ത്രാലയം അറിയിച്ചു.

ബഹ്‌റൈനിൽ നാല് പേരും ഖത്തറിൽ ഒരാളും നേരത്തെ മരണപ്പെട്ടിരുന്നു.

ന്യൂസ്‌റൂം വാർത്തകൾ മുടങ്ങാതെ ലഭിക്കാൻ  +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി  അയക്കുക.        


Latest Related News