December 21, 2020
December 21, 2020
റിയാദ് : എല്ലാ അന്താരാഷ്ട്ര യാത്രകൾക്കും വിലക്ക് ഏർപെടുത്തിയതിന് പിന്നാലെ സൗദിയിൽ നിന്നുള്ള മുഴുവൻ യാത്രാ വിമാനങ്ങളും നിർത്തലാക്കി.ഇതോടെ ഇന്ന് ഇന്ത്യയിലേക്ക് പുറപ്പെടേണ്ടിയിരുന്ന ചാർട്ടേഡ് വിമാനവും വന്ദേഭാരത് വിമാനവും സർവീസ് റദ്ദാക്കി. രൂപമാറ്റം സംഭവിച്ച കൊറോണാ വൈറസ് കൂടുതൽ വേഗതയിൽ പല രാജ്യങ്ങളിലും പടർന്നു പിടിക്കുന്ന സാഹചര്യത്തിൽ എല്ലാ രാജ്യാന്തര വിമാന സർവീസുകളും റദ്ദാക്കിയതായി സൗദി വ്യോമയാന മന്ത്രാലയം അറിയിച്ചിരുന്നു.ഇതോടൊപ്പം,രാജ്യാന്തര കര,ജല ഗതാഗതത്തിനും വിലക്കേർപ്പെടുത്തിയിട്ടുണ്ട്.
നേരത്തെ ഷെഡ്യുൾ ചെയ്ത് ഇന്നലെ രാത്രിയിലും ഇന്ന് രാവിലെയോടെ സൗദിയിലെത്തിയ വിമാനങ്ങൾ യാത്രക്കാരുമായി തന്നെ തിരിച്ചു പോയിട്ടുണ്ട്.എന്നാൽ ഇനിയുള്ള എല്ലാ യാത്രാവിമാനങ്ങളും ഇനി ഒരു അറിയിപ്പ് ഉണ്ടാകുന്നതുവരെ ലാന്റ് ചെയ്യാൻ അനുവദിക്കില്ലെന്ന് അധികൃതർ മുന്നറിയിപ്പ് നൽകിയിട്ടുണ്ട്.
റിയാദിൽ നിന്ന് ചെന്നൈയിലേക്കുള്ള സൗദി എയർലൈൻസ് വിമാനവും ഡൽഹി-ലഖ്നോയിലേക്കുള്ള ഗോ എയറും തിരുവനന്തപുരത്തേക്ക് പുറപ്പെടേണ്ടിയിരുന്ന സ്‌പേസ് ജെറ്റും റദ്ദാക്കിയിട്ടുണ്ട്.നേരത്തെയുള്ള ഷെഡ്യുൾ പ്രകാരം വന്ദേഭാരത് വിമാനത്തിന് ഇന്ന് സർവീസ് ഇല്ല. എന്നാൽ ഇനിയുള്ള വന്ദേ ഭാരത് വിമാനങ്ങളുടെ കാര്യത്തിൽ ഔദ്യോഗിക അറിയിപ്പ് വന്നിട്ടില്ല.സൗദിയിലേക്കുള്ള മറ്റു വിദേശ വിമാന കമ്പനികളെല്ലാം സർവീസ് റദ്ദാക്കിയിട്ടുണ്ട്.
TELEGRAM
FACEBOOK PAGE
https://www.facebook.com/newsroomme
00974 66200167
