April 23, 2021
April 23, 2021
അപകടത്തിൽ മരിച്ചവർ : ഇബ്രാഹിം മഠത്തിൽ / രാജു ചീരൻ സാമുവൽ / പങ്കിൾ പട്ടേൽ
അബുദാബി : പടിഞ്ഞാറന് പ്രവിശ്യയായ ഹലീബില് വാഹനങ്ങള് കൂട്ടിയിടിച്ച് തീപിടിച്ച് രണ്ടു മലയാളികള് അടക്കം അഞ്ചു പേര് മരിച്ചു. മലപ്പുറം ചങ്ങരംകുളം മൂക്കുതല നരണി പുഴ സ്വദേശി ഇബ്രാഹിം മഠത്തില് (57 ), ചാലിശ്ശേരി സ്വദേശി രാജു ചീരന് സാമുവല്(42 ) , ഗുജറാത്ത് സ്വദേശി പങ്കിള് പട്ടേല്(26 ) എന്നിവരാണ് മരിച്ച ഇന്ത്യക്കാര്.
മരിച്ചവർ എല് ആന്ഡ് ടി കമ്പനിയിലെ ജീവനക്കാരാണ്.വ്യാഴാഴ്ച രാവിലെ 8.45ന് അസബിലെ താമസ സ്ഥലത്തുനിന്ന് ഹലീബിലെ ഓയിൽഫീൽഡിലേയ്ക്കു പോകുന്നതിനിടെയായിരുന്നു അപകടം.ഇബ്രാഹിം ഓടിച്ച പ്രാഡൊ ഉൾറോഡിൽനിന്ന് പ്രധാന റോഡിലേയ്ക്ക് കയറവെ അമിത വേഗത്തിലെത്തിയ ലാൻഡ്ക്രൂയിസർ ഇടിക്കുകയായിരുന്നു. ഇടിയുടെ ആഘാതത്തിൽ വാഹനത്തിന് തീപിടിച്ചതാണ് വലിയ ദുരന്തത്തിലേക്ക് നയിച്ചത്.
നാലു പേർ സംഭവസ്ഥലത്തു നിന്നും ഒരാൾ ആശുപത്രിയിലുമാണ് മരിച്ചത്. ഗുരുതരമായി പരുക്കേറ്റ മറ്റൊരു സ്വദേശി അപകടനില തരണം ചെയ്തിട്ടില്ല. ഇബ്രാഹിമിന്റെ ഭാര്യ ഷഹറാബി. മൂന്നു കുട്ടികളുണ്ട്.
അബുദാബി ബദാസായിദ് ആശുപത്രി മോര്ച്ചറിയില് സൂക്ഷിച്ച മൃതദേഹം നിയമ നടപടികള് പൂര്ത്തിയാക്കി സംസ്കരിക്കും.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക