April 02, 2021
April 02, 2021
മക്ക : വിശുദ്ധ ഹറമിൽ ഐ.എസ് മുദ്രാവാക്യം മുഴക്കിയ ഭീകരനെ സുരക്ഷാ വിഭാഗം അറസ്റ്റ് ചെയ്തു.ഹറമിൽ പ്രാർത്ഥനയിലായിരുന്ന വിശ്വാസികൾക്കിടയിലൂടെ മുഷ്ടി ചുരുട്ടി ഐ.എസ് മുദ്രാവാക്യങ്ങൾ മുഴക്കി നടന്നുനീങ്ങി മറ്റുള്ളവരെ ഭീതിയിലാക്കിയ ഭീകരനെ സുരക്ഷാ സൈനികർ ബലപ്രയോഗത്തിലൂടെ കീഴടക്കുകയായിരുന്നു.ഇതിന്റെ വീഡിയോ ദൃശ്യങ്ങൾ സമൂഹ മാധ്യമങ്ങളിൽ വൈറലായിട്ടുണ്ട്.
കഴിഞ്ഞ ചൊവ്വാഴ്ച അസർ നമസ്കാരത്തിന് ശേഷം ഹറമിന്റെ ഒന്നാം നിലയിൽ വെച്ചാണ് ഭീകര സംഘടനയെ അനുകൂലിക്കുന്ന മുദ്രാവാക്യങ്ങൾ മുഴക്കിയ ആളെ ഹറം സുരക്ഷാ സേന അറസ്റ്റ് ചെയ്തതെന്നും പ്രതിയുടെ കയ്യിൽ കത്തിയുണ്ടായിരുന്നുവെന്നും യുവാവിനെതിരെ നിയമാനുസൃത നടപടികൾ സ്വീകരിച്ചതായും ആഭ്യന്തര മന്ത്രാലയം അറിയിച്ചു.