June 17, 2020
June 17, 2020
തിരുവനന്തപുരം : ചാർട്ടേഡ് വിമാനങ്ങൾക്ക് പുറമെ വന്ദേഭാരത് മിഷൻ വഴി നാട്ടിലേക്ക് വരുന്നവർക്കും കൊവിഡ് നെഗറ്റീവ് സർട്ടിഫിക്കറ്റ് നിരബന്ധമാക്കാൻ സംസ്ഥാന സർക്കാർ തീരുമാനിച്ചു..മന്ത്രിസഭാ യോഗത്തിലാണ് ഇതുസംബന്ധിച്ച തീരുമാനമുണ്ടായത്.ഇതോടെ വിദേശത്ത് നിന്ന് വരുന്ന എല്ലാവർക്കും കൊവിഡ് നെഗറ്റീവ് സർട്ടിഫിക്കറ്റ് നിരബന്ധമായിരിക്കും. ഇതിനായി പിസിആർ പരിശോധനയക്ക് പകരം ട്രൂ നെറ്റ് പരിശോധന നടത്തിയാൽ മതിയാകുമെന്നും മന്ത്രിസഭാ യോഗം അറിയിച്ചു.. കൊവിഡ് നെഗറ്റീവ് സർട്ടിഫിക്കറ്റ് വേണമെന്ന നിബന്ധനക്കെതിരെ ഉയർന്ന പ്രതിഷേധം അവഗണിച്ചാണ് മന്ത്രിസഭാ തീരുമാനം
ഖത്തർ ഉൾപ്പെടെയുള്ള ഗൾഫ് രാജ്യങ്ങളിൽ രോഗലക്ഷണങ്ങളില്ലാത്തവർക്കുള്ള കോവിഡ് പരിശോധന എളുപ്പമല്ലാത്തതിനാൽ നാട്ടിലേക്കുള്ള മടക്കം ഇതോടെ ദുഷ്കരമാകും. പകരം സംവിധാനങ്ങൾ ഏർപെടുത്താതെ സംസ്ഥാന സർക്കാർ ഇത്തരത്തിൽ കടുത്ത നിലപാടുകൾ സ്വീകരിച്ചത് വന്ദേ ഭാരത് മിഷൻ വഴി നാട്ടിലേക്ക് മടങ്ങാൻ കാത്തിരിക്കുന്നവർക്കും തിരിച്ചടിയാവും.അതേസമയം,കേരളത്തെക്കാൾ കൂടുതൽ കോവിഡ് കേസുകൾ സ്ഥിരീകരിച്ച മറ്റു സംസ്ഥാനങ്ങൾക്ക് ഈ നിയമം ബാധകമാവില്ല.ഇന്ത്യൻ എമ്പസിയുമായി ബന്ധപ്പെട്ട് കേരളത്തിലേക്ക് മടങ്ങുന്ന മുഴുവൻ യാത്രക്കാർക്കും കോവിഡ് പരിശോധന നടത്താൻ സൗകര്യമൊരുക്കുകയോ എംബസി ഇടപെട്ട് ഖത്തറിലെ സർക്കാറുമായി ആലോചിച്ചു പകരം സംവിധാനം ഒരുക്കുകയോ ചെയ്തില്ലെങ്കിൽ ജൂൺ 20 നു ശേഷം യാത്രചെയ്യാൻ അനുമതി ലഭിച്ച എല്ലാവരുടെയും യാത്ര മുടങ്ങും.
ഇതിനിടെ,ഗൾഫിൽ നിന്നും കേരളത്തിലേക്ക് വരുന്നവർക്ക് കോവിഡ് നെഗറ്റിവ് പരിശോധനാ ഫലം നിർബന്ധമാണെന്ന നിർദേശത്തിൽ സംസ്ഥാന സർക്കാർ ഹൈക്കോടതിയിൽ വിശദീകരണം നൽകി.ഗൾഫിൽ നിന്നും കേരളത്തിലേക്ക് വരുന്ന യാത്രക്കാരിൽ 1.2 ശതമാനം യാത്രക്കാരിൽ കോവിഡ് സ്ഥിരീകരിച്ചിട്ടുണ്ടെന്നും ഈ സാഹചര്യത്തിൽ രോഗവ്യാപനം തടയാൻ സർട്ടിഫിക്കറ്റ് നിർബന്ധമാണെന്നും സർക്കാർ വിശദീകരിച്ചു.തീരുമാനം റദ്ദാക്കണമെന്നാവശ്യപ്പെട്ട് നൽകിയ റിട്ട് ഹർജി പരിഗണിക്കുന്നതിനിടെയാണ് ഹൈക്കോടതി ഇക്കാര്യത്തിൽ സംസ്ഥാന സർക്കാരിനോട് വിശദീകരണം തേടിയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
