March 04, 2021
March 04, 2021
ജിദ്ദ : സൗദി അറേബ്യയിൽ അന്താരാഷ്ട്ര വിമാനസർവീസുകൾ മാർച് 31ന് പൂർണതോതിൽ പുനരാരംഭിക്കുന്നതായി സമൂഹമാധ്യമങ്ങളിൽ തെറ്റായ വാർത്തകൾ പ്രചരിക്കുന്നു.സൗദിയുടെ ഔദ്യോഗിക വാർത്താ ഏജൻസിയായ സൗദി പ്രസ് ഏജൻസിയെ ഉദ്ധരിച്ച് ജനുവരി ഒമ്പതിന് മാധ്യമങ്ങൾ നൽകിയ വാർത്തയാണ് പുതിയതെന്ന തരത്തിൽ ഇപ്പോൾ പ്രചരിക്കുന്നത്.
കോവിഡ് മാനദണ്ഡങ്ങൾ പാലിച്ചുകൊണ്ട്‌ സൗദിയിലേക്കും തിരിച്ചുമുള്ള വിമാനസർവീസുകൾ ആരംഭിക്കുമെന്നും എല്ലാ അതിർത്തികളും തുറക്കുമെന്നും അറിയിച്ചുകൊണ്ട് അന്ന് മാധ്യമങ്ങൾ വാർത്ത നൽകിയിരുന്നു.ഇതിനു പിന്നാലെ വീണ്ടും കോവിഡ് വ്യാപനമുണ്ടായതിനെ തുടർന്ന് സൗദി അധികൃതർ വീണ്ടും നിയന്ത്രണങ്ങൾ ഏർപെടുത്തുകയായിരുന്നു. നിലവിൽ ഇന്ത്യ ഉൾപെടെ കോവിഡ് വ്യാപനം തുടരുന്ന 20 രാജ്യങ്ങളിൽ നിന്നുള്ളവർക്ക് സൗദിയിൽ പ്രവേശനമില്ല.ഈ രാജ്യങ്ങളിൽ നിന്നുള്ളവർ മറ്റേതെങ്കിലും രാജ്യത്ത് 14 ദിവസം തങ്ങിയ ശേഷമാണ് സൗദിയിലേക്ക് വരുന്നത്.ഈ നിയന്ത്രണങ്ങളിൽ എപ്പോൾ മുതൽ മാറ്റം ഉണ്ടാകുമെന്നത് സംബന്ധിച്ച് ഇതുവരെ ഔദ്യോഗിക അറിയിപ്പുകളൊന്നും വന്നിട്ടില്ല.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ഫോൺ ഉപയോഗിക്കുന്നവർ പ്ളേസ്റ്റോറിൽ നിന്നും newsroom connect ആപ് ഡൗൺ ലോഡ് ചെയ്യുക
