June 14, 2021
June 14, 2021
മസ്കത്ത്: ഒമാനി കോവിഡിെന്റെ ഇന്ത്യന് വകഭേദം അഥവ ഡെല്റ്റാ വൈറസിന്റെ വ്യാപനം കണ്ടെത്തിയതായി ആരോഗ്യ മന്ത്രാലയം അറിയിച്ചു. ഇന്ത്യയിലേതിന് പുറമെ ബ്രിട്ടീഷ്, ദക്ഷിണാഫ്രിക്കന് വകഭേദങ്ങളും ഒമാനില് വ്യാപിക്കുന്നുണ്ട്.രാജ്യത്തെ ലബോറട്ടറികളിൽ നടത്തിയ പരിശോധനയിലാണ് ഇക്കാര്യം സ്ഥിരീകരിച്ചത്.
ജനിതകമാറ്റം രോഗ വ്യാപനത്തിന് വഴിയൊരുക്കിയതായി ലബോറട്ടറി സ്പെഷലിസ്റ്റ് ആയ ഡോ.മുഹമ്മദ് ബിന് സഈദ് അല് തൗബി ഒമാന് ടെലിവിഷന് നല്കിയ അഭിമുഖത്തില് പറഞ്ഞു. യഥാര്ഥ വൈറസിനേക്കാള് 60 ശതമാനം വേഗത്തില് ജനിതകമാറ്റം വന്ന വൈറസുകള് വ്യാപിക്കും.
കോവിഡ് വ്യാപനത്തെ നിയന്ത്രിക്കുക വഴി കൂടുതല് വകഭേദങ്ങള് ഉണ്ടാകാനുള്ള സാധ്യത കുറക്കാന് സാധിക്കുമെന്നും അല് തൗബി പറഞ്ഞു. കുട്ടികളിലെ രോഗവ്യാപനവും ശ്രദ്ധിക്കണം. ലക്ഷണങ്ങളൊന്നുമില്ലാത്ത ചില കുട്ടികള്ക്ക് പിന്നീട് ശ്വസനപ്രശ്നങ്ങള് ഉണ്ടാകാനിടയുണ്ട്. ഇത് പിന്നീട് അവരുടെ രോഗപ്രതിരോധ ശേഷിയെ ബാധിക്കും.ഒമാനില് ഇത്തരത്തിലുള്ള അപൂര്വമായ കേസുകള് റിപ്പോര്ട്ട് ചെയ്തിട്ടുണ്ടെന്നും അല് തൗബി പറഞ്ഞു.