July 04, 2020
July 04, 2020
ദോഹ : ആഗോള തലത്തില്‍ കോവിഡ് മരണനിരക്ക് ഏറ്റവും കുറവുള്ള രണ്ടാമത്തെ രാജ്യം ഖത്തറാണെന്ന് ലോകാരോഗ്യ സംഘടന അറിയിച്ചു.മൊത്തം രോഗബാധിതരുടെ കണക്കുമായി താരതമ്യം ചെയ്ത് തയാറാക്കിയ ലോകാരോഗ്യസംഘടന കഴിഞ്ഞ ദിവസം പുറത്തുവിട്ട ഏറ്റവും പുതിയ റിപ്പോർട്ടിലാണ് ഇക്കാര്യം വ്യക്തമാക്കുന്നത്.മരണ നിരക്ക് ഏറ്റവും കുറഞ്ഞ രാജ്യങ്ങളുടെ പട്ടികയിൽ ഒന്നാമതുള്ളത് സിംഗപ്പൂരാണ്. 44,479 പേർക്ക് കോവിഡ് സ്ഥിരീകരിച്ചപ്പോൾ 26 പേരാണ് സിംഗപ്പൂരിൽ മരണപ്പെട്ടത്. 98,653 പേർക്ക് കോവിഡ് സ്ഥിരീകരിച്ച ഖത്തറിൽ ഇന്നലെ വരെ 121 പേർ ചികിത്സയിലിരിക്കെ മരണപ്പെട്ടിട്ടുണ്ട്.0.12 ശതമാനമാണ് മരണ നിരക്ക്.
ഖത്തര്‍, സിംഗപ്പൂര്‍ എന്നീ രാഷ്ട്രങ്ങളിലെ മികച്ച ആരോഗ്യ സംവിധാനങ്ങളാണ് മരണ നിരക്ക് കുറയാൻ കാരണമായതെന്ന് ലോകാരോഗ്യസംഘടനയുടെ കണക്കുകൾ ഉദ്ധരിച്ച് ഖത്തറിലെ പ്രാദേശിക പത്രം റിപ്പോര്‍ട്ട് ചെയ്തു.
വ്യാപകമായ പരിശോധനകളും വൈറസ് ബാധയേറ്റവരെ നേരത്തെ തന്നെ തിരിച്ചറിഞ്ഞ് നിരീക്ഷണ സംവിധാനങ്ങള്‍ ശക്തമാക്കുന്നതാണ് ഖത്തറിന്റെ പ്രത്യേകതയെന്ന് ദോഹ ഹമദ് ആശുപത്രി മെഡിക്കല്‍ ഓഫീസര്‍ ഡോക്ടര്‍ അല്‍ മുസ്‌ലാമനി ചൂണ്ടിക്കാട്ടി.
ഇന്നലെ വരെയുള്ള കണക്കനുസരിച്ച് ലോകത്ത് ഇതുവരെ 517,340 പേരാണ് കോവിഡ് ബാധിച്ച് മരിച്ചത്.10,720,449 പേർക്ക് കോവിഡ് സ്ഥിരീകരിച്ചിട്ടുണ്ട്.ആറ് ഗൾഫ് രാജ്യങ്ങളിലായി ഇതുവരെ കോവിഡ് സ്ഥിരീകരിച്ചവരുടെ എണ്ണം 471,606 ആയി.2889 പേരാണ് കോവിഡ് ചികിത്സയിലിരിക്കെ ഗൾഫിൽ മരണപ്പെട്ടത്.
ജൂലൈ മൂന്ന് വരെയുള്ള ഗൾഫിലെ കോവിഡ് വിവരങ്ങൾ ഇങ്ങനെ :
സൗദി അറേബ്യ
രോഗം സ്ഥിരീകരിച്ചവർ : 201801
മരണം : 1802
യു.എ.ഇ
രോഗം സ്ഥിരീകരിച്ചവർ : 50141
മരണം : 318
ഖത്തർ
രോഗം സ്ഥിരീകരിച്ചവർ : 98653
മരണം : 121
ഒമാൻ
രോഗം സ്ഥിരീകരിച്ചവർ : 43929
മരണം : 193
കുവൈത്ത്
രോഗം സ്ഥിരീകരിച്ചവർ : 48672
മരണം : 360
ബഹ്‌റൈൻ
രോഗം സ്ഥിരീകരിച്ചവർ : 28410
മരണം : 95
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
