April 22, 2021
April 22, 2021
റിയാദ് : കോവിഡ് വ്യാപനം അതിരൂക്ഷമായി തുടരുന്ന സാഹചര്യത്തിൽ സൗദിയിലെ വിമാനത്താവളങ്ങളിൽ പരിശോധനയും നിയന്ത്രണങ്ങളും കൂടുതൽ കർശനമാക്കി.സുരക്ഷാ ഏജൻസികളുടെ സഹകരണത്തോടെ എയർപോർട്ടുകളിൽ പരിശോധന വർധിപ്പിച്ചതിനു പുറമെ സന്ദർശകർക്ക് കർശന നിയന്ത്രണവും ഏർപെടുത്തിയിട്ടുണ്ട്.
എയര്പോര്ട്ടുകളിലും ഏവിയേഷൻ അതോറിറ്റിയുടെ അനുബന്ധ കെട്ടിടങ്ങളിലും അനുബന്ധ കോവിഡ് വ്യാപനം തടയുന്നതിനായി ഏർപ്പെടുത്തിയ മുൻകരുതൽ നടപടികൾ ലംഘിക്കുന്നില്ലെന്ന് ഉറപ്പുവരുത്താൻ നിരീക്ഷണം തുടരും.
തവക്കൽന ആപ്പിലൂടെ ആരോഗ്യസ്ഥിതി പരിശോധിക്കുന്നതിന് പുറമെ ശരീരോഷ്മാവ് പരിശോധിക്കുന്നതിനും ജനറൽ അതോറിറ്റി ഓഫ് സിവിൽ ഏവിയേഷൻ (ജിസിഎ) സ്ക്രീനിങ് പോയിന്റുകൾ ഏർപെടുത്തിയിട്ടുണ്ട്.
എല്ലാ എയർപോർട്ടുകളിലും ഒരു പ്രോട്ടോക്കോൾ ഓഫീസറെയും മുൻകരുതൽ നടപടികൾ പൂർണ തോതിൽ പിന്തുടരുന്നുണ്ടെന്ന് ഉറപ്പുവരുത്താൻ 250 ലേറെ നിരീക്ഷകരെയും ചുമതലപ്പെടുത്തിയിട്ടുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക