April 20, 2020
April 20, 2020
റിയാദ് : സൗദിയില് തിങ്കളാഴ്ച ആറ് മരണവും 1122 പുതിയ കോവിഡ് കേസുകളും സ്ഥിരീകരിച്ചു. ഇതോടെ ആകെ മരണങ്ങള് 103 ഉം കോവിഡ് കേസുകള് 10484 ഉം ആയി. 92 പേര്ക്ക് കൂടി രോഗമുക്തി ലഭിച്ചു. ഇതോടെ ആകെ രോഗമുക്തി ലഭിച്ചവരുടെ എണ്ണം 1490 ആയി. മക്കയില് അഞ്ച് പേരും ജിദ്ദയില് ഒരാളുമാണ് മരിച്ചത്. ഇന്ന് രോഗം സ്ഥിരീകരിച്ചവരില് 819 പേരും പ്രവാസികളാണ്. മക്കയില് മാത്രം മരണ സംഖ്യ 37ഉം രോഗികള് 2552 മായി ഉയർന്നു.
ഹാഇലില് സ്വകാര്യ ആശുപത്രി ജീവനക്കാരില് നാലു പേര്ക്ക് കോവിഡ് സ്ഥിരീകരിച്ചിരുന്നു. ഇതോടെ ഇവരുമായി സമ്പര്ക്കം പുലര്ത്തിയവരെ ക്വാറന്റൈന് ചെയ്തിട്ടുണ്ട്. ഫീല്ഡ് പരിശോധനയില് കണ്ടെത്തുന്ന കോവിഡ് ബാധിതരുമായി സമ്പര്ക്കം പുലര്ത്തിയവരെ ക്വാറന്റൈനിലോ ലക്ഷണമുള്ളവരെ ഐസൊലേഷനിലേക്കോ മാറ്റുന്നുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.