May 18, 2020
May 18, 2020
റിയാദ് : സൗദിയിൽ കോവിഡ് രോഗവിമുക്തി നേടുന്നവർക്ക് സർക്കാർ പണം നൽകുന്നതായി വ്യാജ വാർത്ത പ്രചരിക്കുന്നു.രോഗവിമുക്തി നേടി മടങ്ങുന്നവർക്ക് സർക്കാർ 1500 സൗദി റിയാൽ സമ്മാനമായി നൽകുന്നതായുള്ള വാർത്തയാണ് സമൂഹ മാധ്യമങ്ങളിൽ വ്യാപകമായി പ്രചരിക്കുന്നത്. അസീർ ആരോഗ്യ ഡയറക്റ്ററേറ്റിന്റെ ലോഗോയുള്ള ബാഗിൽ നിന്ന് ചോക്ലേറ്റുകളും 1500 റിയാലും പുറത്തെടുക്കുന്ന വീഡിയോയും ചിത്രങ്ങളുമാണ് പ്രചരിക്കുന്നത്.ആശുപത്രി വിടുന്ന രോഗികൾക്ക് പണമടക്കമുള്ള സമ്മാനങ്ങൾ നൽകുന്നുവെന്ന അടിക്കുറിപ്പോടെയാണ് ദൃശ്യങ്ങൾ പ്രചരിക്കുന്നത്.
എന്നാൽ വാർത്ത അസീർ മേഖലയിലെ ആരോഗ്യവകുപ്പ് ഉദ്യോഗസ്ഥർ തള്ളി. ഇത്തരം അഭ്യൂഹങ്ങൾ പ്രചരിപ്പിക്കുന്നതിൽ നിന്ന് വിട്ടുനിൽക്കണമെന്നും അസീർ ഹെൽത്ത് ഡയറക്റ്ററേറ്റ് ആവശ്യപ്പെട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
