December 23, 2020
December 23, 2020
തിരുവനന്തപുരം, കോഴിക്കോട്: പ്രതിപക്ഷ നേതാവ് രമേശ് ചെന്നിത്തലയ്ക്കും പ്രതിപക്ഷ ഉപ നേതാവ് ഡോ. എം.കെ മുനീറിനും കൊവിഡ് സ്ഥിരീകരിച്ചു. ഇരുവര്‍ക്കും രോഗലക്ഷണങ്ങള്‍ ഇല്ല.
രമേശ് ചെന്നിത്തലയെ നിരീക്ഷിണത്തിനായി ആശുപത്രിയിലേക്ക് മാറ്റും. കഴിഞ്ഞ ദിവസം അദ്ദേഹത്തിന്റെ ഭാര്യയ്ക്കും മകനും കൊവിഡ് സ്ഥിരീകരിച്ചിരുന്നു. തുടര്‍ന്ന് രമേശ് ചെന്നിത്തല നിരീക്ഷണത്തിലായിരുന്നു.
കോഴിക്കോട് സൗത്ത് മണ്ഡലത്തിലെ എം.എല്‍.എയായ മുനീര്‍ തനിക്ക് കൊവിഡ് പോസിറ്റീവ് ആണെന്ന കാര്യം ഫേസ്ബുക്കിലൂടെയാണ് അറിയിച്ചത്. കഴിഞ്ഞ ദിവസങ്ങളില്‍ തന്നോട് അടുത്ത് ഇടപഴകിയവര്‍ ജാഗ്രത പുലര്‍ത്തണമെന്നും രോഗലക്ഷണമുള്ളവര്‍ ആരോഗ്യപ്രവര്‍ത്തകരുമായി ബന്ധപ്പെടണമെന്നും എം.എല്‍.എ അഭ്യര്‍ത്ഥിച്ചു.
നേരത്തേ മുതിര്‍ന്ന കോണ്‍ഗ്രസ് നേതാക്കളായ വി.എം സുധീരന്, തിരുവഞ്ചൂര്‍ രാധാകൃഷ്ണന്‍ എന്നിവര്‍ക്കും കൊവിഡ് സ്ഥിരീകരിച്ചിരുന്നു. തിരുവഞ്ചൂരുമായി സമ്പര്‍ക്കത്തിലേര്‍പ്പെട്ടതിനെ തുടര്‍ന്നാണ് സുധീരന് കൊവിഡ് ബാധിച്ചത്. കെ.പി.സി.സി രാഷ്ട്രീയകാര്യ സമിതി യോഗത്തില്‍ ഇരുവരും അടുത്തടുത്തായിരുന്നു ഇരുന്നത്.
തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ് വി.എം സുധീരന് ഇപ്പോള്‍.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
