August 23, 2019
August 23, 2019
തിരുവനന്തപുരം: അടുത്ത മൂന്ന് ദിവസങ്ങളില്‍ സംസ്ഥാനത്ത് വ്യാപക മഴയ്ക്ക് സാധ്യതയുണ്ടെന്ന് കാലാവസ്ഥാവകുപ്പ് മുന്നറിയിപ്പ് നല്‍കി. അതിനാല്‍ ഞായര്‍, തിങ്കള്‍ എന്നീ ദിവസങ്ങളില്‍ എട്ടു ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു.
ഒഡിഷ തീരത്ത് ന്യൂനമര്‍ദം രൂപപ്പെട്ടത് സംസ്ഥാനത്ത് വ്യാപക മഴയ്ക്കു കാരണമാവുമെന്ന് നേരത്തെ കാലാവാസ്ഥാ കേന്ദ്രം മുന്നറിയിപ്പു നല്കിയിരുന്നു. മഴയുണ്ടാകാനുള്ള സാധ്യത കണക്കിലെടുത്ത് ശനിയാഴ്ച കണ്ണൂര്‍, കോഴിക്കോട്, മലപ്പുറം, ഇടുക്കി ജില്ലകളില്‍ മുന്നറിയിപ്പുണ്ട്.
പത്തനംതിട്ട, ആലപ്പുഴ, എറണാകുളം, ഇടുക്കി, മലപ്പുറം, കോഴിക്കോട്, കണ്ണൂര്‍, കാസര്‍ക്കോട് തുടങ്ങിയ ജില്ലകളിലാണ് ഞായറാഴ്ചയും തിങ്കളാഴ്ചയും യെല്ലോ അലേര്‍ട്ട് പ്രഖ്യാപിച്ചിരിക്കുന്നത്. ആറു മുതല്‍ പതിനൊന്നു സെന്റിമീറ്റര്‍ വരെ മഴ പെയ്യാനിടയുണ്ടെന്നാണ് മുന്നറിയിപ്പ്.
