January 20, 2020
January 20, 2020
തെഹ്റാൻ : ഇറാൻ ഖുദ്സ് സേനാ കമാൻഡർ ഖസ്സെം സുലൈമാനിയുടെ വധത്തിന് തക്കതായ പ്രതികാരം ചെയ്യുമെന്ന് അദ്ദേഹത്തിന്റെ പകരക്കാരനായി ചുമതലയേറ്റ കമാന്ഡര് ഇസ്മയില് ഖാനി വീണ്ടും മുന്നറിയിപ്പ് നൽകി. ഭീരുക്കളെപ്പോലെയാണ് അമേരിക്കന് സൈന്യം ഖസ്സെം സുലൈമാനിയെ വധിച്ചതെന്നും അമേരിക്കയോട് ആണുങ്ങളെപ്പോലെ പകരം ചോദിക്കുമെന്നും ഇസ്മയില്ഖാനി പറഞ്ഞു.
ജനുവരി മൂന്നിനാണ് യു.എസ് ബാഗ്ദാദ് അന്താരാഷ്ട്ര വിമാനത്താവളത്തില് നടത്തിയ വ്യോമാക്രമണത്തില് ഖസ്സെം സുലൈമാനി കൊല്ലപ്പെട്ടത്. ഇറാന് റെവല്യൂഷണറി ഗാര്ഡിന്റെ വിഭാഗമായ ഖുദ്സ് ഫോഴ്സിന്റെ കമാന്ഡറായിരുന്നു ഇദ്ദേഹം. ഇദ്ദേഹത്തിനൊപ്പം ഇറാഖിലെ ഷിയ സേനയായ പി.എം.എഫ് തലവന് അബു മഹ്ദി അല് മുഹന്ദിസുള്പ്പെടെയുള്ള സൈനികര് കൊല്ലപ്പെട്ടിരുന്നു.
തന്റെ പിതാവിന്റെ മരണം അമേരിക്കയ്ക്ക് കറുത്ത ദിനങ്ങളാണ് സമ്മാനിക്കുകയെന്ന് സുലൈമാനിയുടെ മകള് അന്ത്യോപചാര ചടങ്ങില് പറഞ്ഞിരുന്നു.