November 22, 2020
November 22, 2020
ദോഹ : ദോഹയിലെത്തിയ അമേരിക്കന് സ്റ്റേറ്റ് സെക്രട്ടറി മൈക് പോംപിയോ ഖത്തർ അമീർ ശൈഖ് തമീം ബിൻ ഹമദ് അൽതാനിയുമായി കൂടിക്കാഴ്ച നടത്തി.പേൾ കൊട്ടാരത്തിൽ നടത്തിയ കൂടിക്കാഴ്ചയിൽ ഇരു രാജ്യങ്ങൾക്കുമിടയിലെ ഉഭയകക്ഷി സഹകരണവും മേഖലയിലെ മറ്റു വിഷയങ്ങളും ചർച്ച ചെയ്തതായി ഖത്തർ വാർത്താ ഏജൻസി റിപ്പോർട്ട് ചെയ്തു.ഖത്തറിലെ താലിബാൻ കാര്യാലയത്തിലെ ഔദ്യോഗിക പ്രതിനിധികളുമായും പോംപിയോ കൂടിക്കാഴ്ച നടത്തിയതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. മധ്യേഷ്യന് പര്യടനത്തിന്റെ ഭാഗമായി ഇന്നലെ വൈകീട്ടോടെയാണ് മൈക് പോംപിയോ ദോഹയിലെത്തിയത്.
ഉപരോധം നാലാം വർഷത്തിലേക്ക് കടന്ന സാഹചര്യത്തിൽ ഖത്തറിനെതിരെയുള്ള ഉപരോധം പിൻവലിക്കാൻ അധികാരം വിട്ടൊഴിയുന്ന ട്രംപ് ഭരണകൂടം ശ്രമങ്ങൾ ഊർജിതമാക്കിയതായി നേരത്തെ റിപ്പോർട്ടുകൾ ഉണ്ടായിരുന്നു.ഗൾഫ് സന്ദർശനത്തിനിടെ ഇക്കാര്യത്തിൽ നിർണായക തീരുമാനങ്ങൾ ഉണ്ടാകുമെന്നാണ് സൂചന.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.