Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
ഖത്തർ വഴി സൗദിയിലേക്ക് പോകാനെത്തിയവർ ദോഹ വിമാനത്താവളത്തിൽ കുടുങ്ങി,5000 റിയാൽ കയ്യിൽ കരുതണമെന്ന് നിർദേശം

July 22, 2021

July 22, 2021

ദോഹ : ഇന്ത്യയിൽ നിന്നും സൗദിയിലേക്ക് നേരിട്ടുള്ള യാത്രാ വിലക്ക് തുടരുന്ന സാഹചര്യത്തിൽ ദോഹ വഴി സൗദിയിലേക്ക് പോകാൻ എത്തിയ നിരവധി യാത്രക്കാർ ദോഹ രാജ്യാന്തര വിമാനത്താവളത്തിൽ കുടുങ്ങി.ഇന്ന് രാവിലെ എയർ ഇന്ത്യ IX-373 വിമാനത്തിൽ ഖത്തർ വഴി സൗദിയിലേക്ക് പോകാനെത്തിയ യാത്രക്കാരാണ് മണിക്കൂറുകളായി വിമാനത്താവളത്തിൽ കഴിയുന്നത്. 5000 റിയാൽ കൈവശമുള്ളവരെ മാത്രമേ പുറത്തേക്ക് പോകാൻ അനുവദിക്കൂ എന്നാണ് എമിഗ്രെഷൻ അധികൃതരുടെ വിശദീകരണമെന്ന് യാത്രക്കാർ 'ന്യൂസ്‌റൂ'മിനോട് പറഞ്ഞു.അതേസമയം,ഇതുസംബന്ധിച്ച് ഔദ്യോഗിക പ്രഖ്യാപനമൊന്നും ഇതുവരെ ഉണ്ടായിട്ടില്ല.

നേരത്തെ സന്ദർശക വിസയിൽ ഖത്തറിലെത്തുന്നവർ 5000 റിയാൽ കരുതണമെന്ന നിര്ദേശമുണ്ടായിരുന്നെങ്കിലും കൃത്യമായി പ്രാബല്യത്തിൽ വന്നിരുന്നില്ല.ദോഹയിൽ കഴിയാനാവശ്യമായ ചെലവുകൾക്കുള്ള പണം കയ്യിലുണ്ടെന്ന് ഉറപ്പുവരുത്താനാണ് ഇത്തരമൊരു നിർദേശം മുന്നോട്ടുവെച്ചത്.നിലവിൽ 5000 റിയാലോ തത്തുല്യമായ തുകയുള്ള ബാങ്ക് കാർഡോ കയ്യിലില്ലാത്തവരെ നാട്ടിലേക്ക് തന്നെ തിരിച്ചയക്കുമെന്നാണ് ലഭ്യമായ വിവരം.

നിലവിൽ ഇന്ത്യയിൽ നിന്നും സൗദിയിലേക്ക് നേരിട്ട് പ്രവേശനം അനുവദിക്കാത്തതിനാൽ ഖത്തറിൽ സന്ദർശക വിസ അനുവദിച്ചു തുടങ്ങിയത് സൗദി പ്രവാസികൾക്ക് ഏറെ ആശ്വാസമായിരുന്നു.  


Latest Related News