January 21, 2020
January 21, 2020
ദമ്മാം : സൗദി അറേബ്യയിലെ കിഴക്കന്‍ പ്രവിശ്യയായ ദമ്മാമില്‍ പാലക്കാട് സ്വദേശി പരേതനായ വാപ്പാല സേതു മാധവ മേനോന്റെയും രമാ എസ് മേനോന്റെയും മകന്‍ സഞ്ജയ് മേനോന്‍ (49 ) നിര്യാതനായി . ദമ്മാമില്‍ ഗ്ലൗബെ ലോജിസ്റ്റിക് കമ്പനിയിൽ മാനേജര്‍ ആയി ജോലി ചെയ്തുവരികയായിരുന്നു. ഇന്നലെ താമസ സ്ഥലത്തുവെച്ചു ദേഹാസ്വാസ്ഥ്യം അനുഭവപ്പെട്ട അദ്ദേഹത്തെ ദമ്മാം തദാവി ആശുപത്രിയില്‍ എത്തിച്ചെങ്കിലും മരണപ്പെടുകയായിരുന്നു.മൃതദേഹം പോലീസ് ഇന്‍ക്വസ്‌റ്റു നടത്തി ദമ്മാം മെഡിക്കല്‍ ടവര്‍ ഹോസ്പിറ്റല്‍ മോര്‍ച്ചറിയില്‍.
ഭാര്യ വടക്കഞ്ചേരി സുധ നിവാസില്‍ സുജല . മക്കള്‍ സേതുലക്ഷ്മി , ശ്രീ മാധവ് വിദ്യാര്‍ഥികള്‍ ആണ് . സഹോദരങ്ങള്‍ , ശ്രീകുമാര്‍ , ശ്യാംകുമാര്‍ , സീമ .
മൃതദേഹം നിയമ നടപടികള്‍ പൂര്‍ത്തിയാക്കി ഏതാനും ദിവസങ്ങള്‍ക്കുള്ളില്‍ നാട്ടില്‍ എത്തിക്കുമെന്നുംകമ്പനി അധികൃതര്‍ അറിയിച്ചു .
