July 20, 2020
July 20, 2020
തൊടുപുഴ: സംസ്ഥാനത്ത് ഒരു കോവിഡ് മരണം കൂടി . ഇടുക്കി ചക്കുപള്ളം ചിറ്റാമ്ബാറയില് തങ്കരാജ് ആണ് മരിച്ചത് . 69 വയസായിരുന്നു. ആദ്യ കോവിഡ് പരിശോധനാഫലം പോസിറ്റീവ് ആയതിനെത്തുടര്ന്ന് ഇടുക്കി മെഡിക്കല് കോളേജില് നിരീക്ഷണത്തിലായിരുന്നു.
തിങ്കളാഴ്ച്ച ഉച്ചയോടെ ആണ് മരിച്ചത്. ഇദ്ദേഹം ഹൃദരോഗബാധിതാണ്. ഗൂഡല്ലൂരില് നിന്നും ഭാര്യക്കും മരുമക്കള്ക്കും ഒപ്പം നാട്ടിലെത്തിയതാണ്. ഗര്ഭിണിയായ മരുമകള്ക്ക് നേരത്തെ കോവിഡ് സ്ഥിരീകരിച്ചിരുന്നു. അതോടെ സംസ്ഥാനത്ത് വൈറസ് ബാധമൂലംമരിക്കുന്നവരുടെ എണ്ണം 43 ആയി.
ഇതിനിടെ,പാലക്കാട് ജില്ലയിലെ പട്ടാമ്പി താലൂക്കിലും നെല്ലായ പഞ്ചായത്തിലും ലോക്ക്ഡൗണ് പ്രഖ്യാപിച്ചു. മുതുമല, തൃത്താല, തുടങ്ങിയ സമീപ പഞ്ചായത്തുകളിലും ആളുകളില് കൊറോണ ലക്ഷണങ്ങള് കണ്ടുവരുന്നുണ്ട്. ഇവിടങ്ങളില് കൂടുതല് റാപ്പിഡ് ടെസ്റ്റ് നടത്തി പിന്നീട് പ്രഖ്യാപിക്കുന്നതായിരിക്കുമെന്നും മന്ത്രി എ.കെ.ബാലന് അറിയിച്ചു.
ജില്ലയിലെ രണ്ടു മുനിസിപ്പാലിറ്റികള് അടക്കം 47 കേന്ദ്രങ്ങളില് 4500 റാപ്പിഡ് ആന്റിജന് ടെസ്റ്റുകള് നടത്തും. എല്ലാ തദ്ദേശ സ്വയംഭരണ സ്ഥാപനങ്ങളിലും ഫസ്റ്റ് ലൈന് ട്രീറ്റ്മെന്റ് സെന്റര് തുടങ്ങുമെന്നും മന്ത്രി പറഞ്ഞു.
പാലക്കാട് ജില്ലയിലെ പട്ടാമ്പി കൊറോണ ക്ലസ്റ്ററായി മാറിക്കഴിഞ്ഞു. പപട്ടാമ്പി മാര്ക്കറ്റുമായി ബന്ധപ്പെട്ടാണ് ഈ ക്ലസ്റ്റര് പ്രകടമായത്. ഇത് മറ്റ് സ്ഥലങ്ങളിലേക്ക് വ്യാപിക്കാതിരിക്കണമെങ്കില് പട്ടാമ്പിയിൽ കണ്ടെയ്ന്മെന്റ് നിര്ബന്ധമായി പാലിച്ചേ മതിയാകൂ. മേഖലയിലൂടെ കടന്നുപോകുന്ന വാഹനങ്ങള് അവിടങ്ങളില് ആളുകളെ ഇറക്കാനോ കയറ്റാനോ പാടില്ലെന്നും മന്ത്രി പറഞ്ഞു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക