March 25, 2020
March 25, 2020
മസ്കത്ത് : ഒമാനിൽ ബുധനാഴ്ച 15 പേരിൽ കൂടി കോവിഡ് 19 സ്ഥിരീകരിച്ചു. എല്ലാവരും സ്വദേശികളാണ്. ഇവരിൽ ഏഴു പേർ നേരത്തെ രോഗബാധ സ്ഥിരീകരിച്ചവരുമായി സമ്പർക്കം പുലർത്തിയവരാണ്. ഏഴു പേർ അമേരിക്ക,ബ്രിട്ടൻ,സ്പെയിൻ എന്നീ രാജ്യങ്ങൾ സന്ദർശിച്ച് സ്വദേശത്ത് തിരിച്ചെത്തിയവരാണെന്നും ഒരാൾക്ക് രോഗബാധയുണ്ടായ കാരണം നിരീക്ഷിച്ചു വരികയാണെന്നും ഒമാൻ ആരോഗ്യ മന്ത്രാലയം ട്വീറ്റ് ചെയ്തു.
ഒമാനിൽ ഇന്നലെയാണ് ഏറ്റവും കൂടുതൽ പേരിൽ രോഗബാധ സ്ഥിരീകരിച്ചത്. ഇന്നലെ പതിനെട്ട് പേരിലാണ് രോഗം കണ്ടെത്തിയത്.ഇതോടെ ഒമാനിൽ മൊത്തം രോഗബാധിതരുടെ എണ്ണം 99 ആയി. 19 പേർ ഇതുവരെ സുഖം പ്രാപിച്ചിട്ടുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.