Breaking News
കുവൈത്തിൽ മലയാളിയായ വീട്ടമ്മയും ഗര്‍ഭസ്ഥ ശിശുവും കോവിഡ് ബാധിച്ചു മരിച്ചു | സൗദിയിൽ മലവെള്ളപ്പാച്ചിലിൽ മൂന്നു പേർ മരിച്ചു | ഖത്തറിൽ രോഗമുക്തി നിരക്ക് ഉയർന്നു,ഇന്ന് രോഗം സ്ഥിരീകരിച്ചത് 126 പേർക്ക് | ടോക്കിയോ ഒളിമ്പിക്സിൽ ഖത്തറിന് നേട്ടം,തലാ അബുജബാറ ക്‌ളാസിഫിക്കേഷൻ ഫൈനലിൽ കടന്നു | കോര്‍ണിഷ് സ്ട്രീറ്റില്‍ ഓഗസ്റ്റ് 6 മുതല്‍ താല്‍ക്കാലിക ഗതാഗത നിയന്ത്രണം | ഇന്ത്യക്കാരന് അപൂർവ ബഹുമതി,എം.എ.യുസുഫ് അലി അബുദാബി ചേംബറിന്റെ വൈസ് ചെയർമാൻ | ഹമദ് വിമാനത്താവളത്തില്‍ ഓഗസ്റ്റ് 16വരേ മൂന്നു ദിവസങ്ങളില്‍ രാത്രി പാര്‍ക്കിങ്ങ് സൗജന്യം | വാർത്ത വ്യാജമാണെന്ന് ഇന്ത്യൻ എംബസി,വാക്സിനെടുത്ത് സന്ദർശക വിസയിൽ ഖത്തറിലേക്ക് വരുന്നവരുടെ കാര്യത്തിൽ ആശയക്കുഴപ്പം തുടരുന്നു | മഹാമാരിയുടെക്കാലത്തു പോലും പ്രവാസിയെ നമ്മള്‍ ദുരിതത്തിലാക്കുന്നു | കണ്ണൂര്‍ പുതിയങ്ങാടി സ്വദേശി കുവൈത്തില്‍ നിര്യാതനായി |
ഇന്ത്യയിൽ ഇന്ധന വില വീണ്ടും കൂട്ടി,കോൺഗ്രസ് പ്രക്ഷോഭത്തിന് ഒരുങ്ങുന്നു 

June 29, 2020

June 29, 2020

ന്യൂദല്‍ഹി: ഒരു ദിവസത്തെ ഇടവേളയ്ക്ക് ശേഷം ഇന്ത്യയിൽ ഇന്ധന വില വീണ്ടും കൂട്ടി. പെട്രോളിന് അഞ്ച് പൈസയും ഡീസലിന് 12 പൈസയുമാണ് കൂട്ടിയത്.ഇതോടെ,പെട്രോളിന് 9.22 രൂപയും ഡീസലിന് 10.57 രൂപയുമാണ് വര്‍ധിച്ചത്. രാജ്യത്ത് തുടര്‍ച്ചയായ 21 ദിവസങ്ങളില്‍ കേന്ദ്രസര്‍ക്കാര്‍ പെട്രോള്‍-ഡീസല്‍ വില വര്‍ധിപ്പിച്ചിരുന്നു. അതില്‍ കഴിഞ്ഞ ദിവസം മാത്രമാണ് വില വര്‍ധനവ് ഇല്ലാതിരുന്നത്.ജൂണ്‍ ഏഴു മുതലാണ് ഇന്ധന വില ഉയരാന്‍ തുടങ്ങിയത്. കേന്ദ്രസര്‍ക്കാര്‍ എക്സൈസ് നികുതി കൂട്ടിയതോടെയാണ് ഇന്ധനവില വര്‍ധിപ്പിക്കേണ്ട സാഹചര്യം ഉണ്ടായതെന്നാണ് എണ്ണക്കമ്പനികളുടെ വിശദീകരണം.

ക്രൂഡ് ഓയിലിന്റെ വില ഏറ്റവും കുറഞ്ഞ നിലയിലെത്തിയിട്ടും രാജ്യത്ത് ഇന്ധനവില ദിവസേന കൂട്ടുകയാണ്.ദല്‍ഹിയില്‍ പെട്രോളിനേക്കാള്‍ ഉയര്‍ന്ന നിരക്കാണ് ഡീസലിന്.

ഇതിനിടെ,തുടര്‍ച്ചയായ ഇന്ധന വില വര്‍ധനയ്‌ക്കെതിരെ കോണ്‍ഗ്രസ് രാജ്യവ്യാപകമായി പ്രതിഷേധം സംഘടിപ്പിക്കാൻ തീരുമാനിച്ചിട്ടുണ്ട്. കോണ്‍ഗ്രസ് എം.എല്‍.എമാരും എം.പിമാരും ഒപ്പിട്ട നിവേദനം രാഷ്ട്രപതി രാം നാഥ് കോവിന്ദിന് കൈമാറുമെന്ന് എ.ഐ.സി.സി ജനറല്‍ സെക്രട്ടറി കെ. സി വേണുഗോപാല്‍ കഴിഞ്ഞ ദിവസം പറഞ്ഞു.

രാജ്യത്ത് ഇത് രണ്ടാം തവണയാണ് ഡീസല്‍വില പെട്രോളിനെ മറികടക്കുന്നത്. 2018ല്‍ ഭുവനേശ്വറില്‍ പെട്രോളിനെ ഡീസല്‍ മറികടന്നിരുന്നു. മോദിസര്‍ക്കാര്‍ വന്നശേഷം 2014 ഒക്ടോബറിലാണ് ഡീസല്‍വില നിയന്ത്രണാവകാശം എണ്ണക്കമ്പനികള്‍ക്ക് വിട്ടുകൊടുത്തത്. പെട്രോള്‍വില നിയന്ത്രണവിമുക്തമാക്കിയത് 2010ല്‍ രണ്ടാം യു.പി.എ സര്‍ക്കാരാണ്.

ന്യൂസ്‌റൂം വാർത്തകൾ മുടങ്ങാതെ ലഭിക്കാൻ  +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക  


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News