April 07, 2020
April 07, 2020
കുവൈത്ത് സിറ്റി : കോവിഡ് പ്രതിരോധ പ്രവർത്തനങ്ങളുടെ ഭാഗമായി കുവൈത്തിലെ നെഴ്സുമാരെയും മറ്റ് ആരോഗ്യപ്രവർത്തകരെയും ആശുപത്രികൾക്ക് സമീപമുള്ള സ്‌കൂളുകളിൽ താമസിപ്പിക്കാൻ നീക്കം. പൊതു ആശുപത്രികള്‍ക്കു സമീപമുള്ള സ്കൂളുകളിലായിരിക്കും ഇവരെ താമസിപ്പിക്കുക.ഇതിനായി ആരോഗ്യ മന്ത്രാലയം, പൊതുമരാമത്ത് മന്ത്രാലയം, വിദ്യാഭ്യാസ മന്ത്രാലയം, മറ്റു വകുപ്പുകള്‍ എന്നിവിടങ്ങളിലെ പ്രതിനിധികള്‍ അടങ്ങിയ പ്രത്യേകസംഘം രൂപവത്കരിച്ചു.
വിദ്യാഭ്യാസ മന്ത്രാലയം സ്കൂളുകള്‍ വിട്ടുനല്‍കാമെന്ന് അറിയിച്ചിട്ടുണ്ട്.
പൊതുമരാമത്ത് മന്ത്രാലയം മറ്റു സജ്ജീകരണങ്ങള്‍ ഒരുക്കും. ആരോഗ്യ മന്ത്രാലയം ആരോഗ്യ സുരക്ഷാ മാനദണ്ഡങ്ങള്‍ പരിശോധിച്ച്‌ ഉറപ്പാക്കും. പൊതുസുരക്ഷക്ക് പൊലീസിെന്‍റ മേല്‍നോട്ടമുണ്ടാവും. കോവിഡ് രോഗികളുമായി ഇടപഴകുന്ന ആരോഗ്യപ്രവര്‍ത്തകര്‍ താമസകേന്ദ്രങ്ങളില്‍ മറ്റുള്ളവര്‍ക്കൊപ്പം കഴിയുന്നത് വൈറസ് വ്യാപന സാധ്യത വര്‍ധിപ്പിക്കും എന്നതിനാലാണ് ഇവര്‍ക്ക് പ്രത്യേക താമസസൗകര്യമൊരുക്കാന്‍ തീരുമാനിച്ചത്.
കോവിഡ് ബാധിതരെ പരിചരിക്കുന്ന നിരവധി നഴ്സുമാര്‍ ഇപ്പോള്‍ സ്വന്തം കുട്ടികളെ പിരിഞ്ഞ് തനിച്ചു താമസിക്കുകയോ കുട്ടികളെ ബന്ധുവീടുകളിലേക്ക് മാറ്റിയിരിക്കുകയോ ആണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
