July 07, 2021
July 07, 2021
വാഷിങ്ടണ്‍: കൊന്നാലും മാസ്‌ക് ധരിക്കില്ലെന്ന് യുവാക്കള്‍. ധരിക്കാതെ വിമാനം പറത്തില്ലെന്ന് അധികൃതരും. നോര്‍ത്ത് കരോലിനയില്‍ നിന്ന് ബഹാമാസിലേക്കുള്ള അമേരിക്കന്‍ എയര്‍ലൈന്‍സ് വിമാനത്തിലാണ് സംഭവം. തര്‍ക്കം നീണ്ടുപോയപ്പോള്‍ വിമാനം മണിക്കൂറുകള്‍ വൈകി. ഒന്നും രണ്ടും പേരല്ല വാശിയുമായി മുന്നേറിയത്. 30 പേര്‍. ഒടുക്കം തര്‍ക്കം പരിഹരിച്ചപ്പോള്‍ തിങ്കളാഴ്ച വൈകീട്ട് യാത്ര തുടങ്ങേണ്ടിയിരുന്ന വിമാനം ചൊവ്വാഴ്ച രാവിലെയാണ് പുറപ്പെട്ടത്.
പ്രശ്നമുണ്ടാക്കിയവര്‍ ബോസ്റ്റണിലെ ചില വിദ്യാര്‍ത്ഥികളാണെന്നും റിപ്പോര്‍ട്ടുണ്ട്. ഒടുവില്‍ മാസ്‌ക് ധരിക്കാന്‍ യുവാക്കള്‍ സമ്മതിച്ചതിന് ശേഷമാണ് വിമാനം പറന്നുയര്‍ന്നത്.തുടക്കത്തില്‍ സാങ്കേതിക പ്രശ്‌നങ്ങള്‍ മൂലം വിമാനം മണിക്കൂറുകള്‍ വൈകിയിരുന്നു. ഒടുവില്‍ വിമാനം പുറപ്പെടാന്‍ ഒരുങ്ങുമ്പോഴാണ് യുവാക്കളും വിമാനജീവനക്കാരും തമ്മില്‍ വാക്കേറ്റമുണ്ടായത്.
