July 17, 2021
July 17, 2021
ദോഹ:മധ്യപൂര്‍വ ദേശത്ത് കൊവിഡ് വൈറസ് ബാധ കൂടുതല്‍ ദുരന്തം വിതക്കാനുള്ള സാധ്യതയെക്കുറിച്ച് മുന്നറിയിപ്പുമായി ലോകാരോഗ്യ സംഘടന. മേഖലയില്‍ റിപ്പോര്‍ട്ട് ചെയ്യപ്പെട്ട കോവിഡ്-19 കേസുകളുടെ എണ്ണത്തില്‍ ഗണ്യമായ വര്‍ധനയുണ്ടായത് ആശങ്കയുണ്ടാക്കുന്നതാണെന്നും ഇത് ഗുരുതരമായ പ്രത്യാഘാതങ്ങള്‍ ഉണ്ടാക്കുമെന്നു ഭയപ്പെടുന്നതായും ഡബ്ലൂ.എച്ച്.ഒ സൂചിപ്പിച്ചു. പുതിയ ഡെല്‍റ്റ വേരിയന്റിന്റെ വ്യാപനവും കുറഞ്ഞ വാക്‌സിന്‍ ലഭ്യതയും മൂലം ലിബിയ, ഇറാന്‍, ഇറാഖ്, ടുണീഷ്യ എന്നിവിടങ്ങളില്‍ കൊവിഡ് വ്യാപനം വര്‍ധിച്ചു വരികയാണ്. ഈ പ്രദേശങ്ങളില്‍ എട്ട് ആഴ്ച മരണനിരക്ക് കുറയുകയും കേസുകള്‍ റിപ്പോര്‍ട്ട് ചെയ്യപ്പെടുന്നത് കുറഞ്ഞുവരികയും ചെയ്തതിന് തൊട്ടുപിന്നാലെയാണ് പെട്ടെന്നുള്ള കുതിപ്പ് ഉണ്ടായത്.
പൊതുജനാരോഗ്യനടപടികളിലെ ജാഗ്രതക്കുറവും സാമൂഹിക പ്രതിരോധ നടപടികള്‍ പാലിക്കാത്തതും കേസുകളുടെ വര്‍ധനവിന് കാരണമാകുകയാണെന്ന് ലോകാരോഗ്യസംഘടന ചൂണ്ടിക്കാട്ടി.
