Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
കുവൈത്തിൽ മറിയം അല്‍ അഖീല്‍ പുതിയ ധനമന്ത്രി

November 08, 2019

November 08, 2019

കുവൈത്ത് സിറ്റി: ഡോ. നായിഫ് അല്‍ ഹജ്റുഫ് രാജിവെച്ച ഒഴിവിലേക്ക് മറിയം അഖീലിനെ പുതിയ ധനമന്ത്രിയായി നിയോഗിച്ചു.നിലവില്‍ ആസൂത്രണ കാര്യ വകുപ്പിന്റെ ചുമതല വഹിക്കുന്ന അവര്‍ ആ പദവി നിലനിര്‍ത്തിക്കൊണ്ടുതന്നെയാണ് ധനകാര്യ വകുപ്പിന്റെ കൂടി  ഉത്തരവാദിത്തം ഏല്‍ക്കുന്നത്.

ധനമന്ത്രി സ്ഥാനത്തുനിന്ന് രാജിവെച്ച ഡോ. നായിഫ് അല്‍ ഹജ്റുഫ് ജി.സി.സി സെക്രട്ടറി ജനറല്‍ ആയി നിയമിക്കപ്പെടുമെന്ന് സൂചനയുണ്ട്. 2011 മുതല്‍ ഈ  ചുമതല വഹിക്കുന്ന അബ്ദുല്ലത്തീഫ് അല്‍ സയാനി ചുമതലയൊഴിയുന്നതോടെ നായിഫ് അല്‍ ഹജ്റുഫ് സ്ഥാനമേല്‍ക്കുമെന്നാണ് റിപ്പോര്‍ട്ടുകള്‍.എണ്ണ വരുമാനം കുറഞ്ഞതിനെ തുടര്‍ന്ന് സാമ്പത്തിക  രംഗത്ത് രാജ്യം വലിയ വെല്ലുവിളികള്‍ നേരിടുന്ന പശ്ചാത്തലത്തിലാണ് മറിയം അഖീല്‍ ധനമന്ത്രി സ്ഥാനം ഏല്‍ക്കുന്നത്.

ആസൂത്രണ കാര്യ മന്ത്രിയെന്ന നിലയില്‍ ചുരുങ്ങിയ കാലംകൊണ്ട് മികച്ച പ്രവര്‍ത്തനം കാഴ്ചവെച്ചത് പരിഗണിച്ചാണ്  മറിയം അഖീലിനെ ഭാരിച്ച ഉത്തരവാദിത്തം ഏല്‍പിക്കുന്നത്. റിയാദ് അദസാനി എം.പി സമര്‍പ്പിച്ച കുറ്റവിചാരണ നോട്ടീസ് നവംബര്‍ 12ന് ചര്‍ച്ച ചെയ്യാനിരിക്കെയായിരുന്നു മന്ത്രി ഡോ. നായിഫ് അല്‍ ഹജ്റുഫ് രാജി വെച്ചൊഴിഞ്ഞത്. രാജ്യത്തിന്റെ സാമ്പത്തിക സ്ഥിതി, സാമ്പത്തിക നില, ബജറ്റ് കമ്മി, പരമാധികാര ഫണ്ട് നിക്ഷേപം, പെന്‍ഷന്‍ ഏജന്‍സി എന്നിവയുമായി ബന്ധപ്പെട്ട വിഷയങ്ങള്‍ ഉള്‍പ്പെടുത്തിയായിരുന്നു കുറ്റവിചാരണ നോട്ടീസ്. ഈ വിഷയങ്ങളെല്ലാം പുതുതായി ചുമതലയേല്‍ക്കുന്ന മറിയം അഖീലിനും വലിയ വെല്ലുവിളിയാവുമെന്നാണ് സൂചന.


Latest Related News