February 03, 2021
February 03, 2021
ദോഹ : ഖത്തർ പ്രവാസിയായ മലയാളി യുവതിയെ തേടി അബുദാബി ബിഗ് ടിക്കറ്റിന്റെ 15 മില്യൺ ദിർഹം ഭാഗ്യമെത്തി.ഖത്തറിലെ പ്രമുഖ റെസ്റ്റോറന്റ് ഉടമ ഗദ്ദാഫിയുടെ ഭാര്യ തസ്ലീന പുറായിലാണ് ഈ അപൂർവ നേട്ടത്തിന് ഉടമയായത്.ബുധനാഴ്ച വൈകീട്ട് അബുദാബിയിൽ നടന്ന നറുക്കെടുപ്പിലാണ് തസ്ലീനയെ തേടി ഭാഗ്യമെത്തിയത്.ഇക്കഴിഞ്ഞ ജനുവരി 26 നാണ് തസ്ലീന ബിഗ് ടിക്കറ്റെടുത്തത്.
ആദ്യമായാണ് ബിഗ് ടിക്കറ്റെടുക്കുന്നതെന്നും ഈ നേട്ടം അവിശ്വസനീയമായി തോന്നുന്നുവെന്നും അവർ ഗൾഫ് ന്യൂസ് പത്രവുമായി നടത്തിയ ടെലിഫോൺ സംഭാഷണത്തിൽ പ്രതികരിച്ചു.
തൃക്കരിപ്പൂർ സ്വദേശിയായ തസ്ലീന മൂന്നു കുട്ടികളുടെ മാതാവാണ്.ബിസിനസുകാരനായ ഭർത്താവിനും മക്കൾക്കും ഒപ്പം വര്ഷങ്ങളായി ദോഹയിലാണ് താമസം.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.