July 18, 2020
July 18, 2020
ദോഹ : മലപ്പുറം സ്വദേശിയായ യുവാവ് ഖത്തറിൽ വാഹനാപകടത്തിൽ മരിച്ചു. മലപ്പുറം പെരുമണ്ണ ക്ലാരി പഞ്ചായത്തിൽ പുതുശ്ശേരികുളം താമരശ്ശേരി വീട്ടിൽ ബീരാൻ ബാവയുടെ മകൻ ഷംസാൻ(25) ആണ് മരിച്ചത്. വെള്ളിയാഴ്ച രാത്രി ഷമാലിൽ സൈക്കിളിൽ സഞ്ചരിക്കുമ്പോൾ പിറകെ വന്ന വാഹനം ഇടിച്ചു തെറിപ്പിക്കുകയായിരുന്നു.സംഭവ സ്ഥലത്തു തന്നെ മരണപ്പെടുകയായിരുന്നു.അവിവാഹിതനാണ്.
പിതാവ് ബീരാൻ ബാവക്കൊപ്പം ഷമാലിൽ ഗ്രോസറി നടത്തുകയായിരുന്നു.
മാതാവ് : ഖദീജ.സഹോദരങ്ങൾ : ഷംസുദ്ധീൻ(ഖത്തർ) സുമയ്യ,അലീദ.സഹോദരി ഭർത്താവ് റാഷിദ് ഖത്തറിൽ ഉണ്ട്.
മൃതദേഹം അൽഖോർ ആശുപത്രി മോർച്ചറിയിൽ.ഖത്തർ കെ എം സി അൽ ഇഹ്‌സാൻ മയ്യിത്ത് പരിപാലന കമ്മിറ്റിയുടെ നേതൃത്വത്തിൽ നടപടി ക്രമങ്ങൾ പൂർത്തിയാക്കി മൃതദേഹം നാട്ടിലെത്തിക്കാനുള്ള ശ്രമങ്ങൾ പുരോഗമിക്കുകയാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
