July 06, 2021
July 06, 2021
റിയാദ്: സിംഹം,പുലി തുടങ്ങിയ ജീവികളെ വീട്ടില് വളര്ത്തുന്ന പതിവ് ചിലര്ക്കുണ്ട്. സാമൂഹിക മാധ്യമങ്ങളില് അറബികള് വളര്ത്തുന്ന ഇത്തരം ജീവികളെക്കുറിച്ചുള്ള വിവരങ്ങളും പലപ്പോഴും കാണാറുണ്ട്. സഊദിയിലെ അല് രിമാല് ജില്ലയില് കെട്ടിടത്തിന്റെ ടെറസില് സ്വതന്ത്രവിഹാരത്തിനു വിട്ട സിംഹത്തെ അധികൃതര് പിടികൂടിയതാണ് പുതിയ വാര്ത്ത.
നിയമം ലംഘിച്ച് രഹസ്യമായാണ് സിംഹത്തെ വളര്ത്തിയത്. വീടിന്റെ ടെറസ്സില് സ്വതന്ത്രമായി വിഹരിക്കുന്ന സിംഹത്തെ കുറിച്ച് നാഷണല് സെന്റര് ഫോര് വൈല്ഡ്ലൈഫില് വിവരം ലഭിക്കുകയായിരുന്നു. സെന്ററില് നിന്നുള്ള വിദഗ്ധരും വെറ്ററിനറി ഡോക്ടര്മാരും സ്ഥലത്തെത്തി സിംഹത്തെ മയക്കുമരുന്ന് കുത്തിവെച്ച് കീഴടക്കുകയായിരുന്നു. പിന്നീട് ഇതിനെ പ്രത്യേക അഭയ കേന്ദ്രത്തിലേക്ക് മാറ്റി. സൗദിയില് വന്യമൃഗങ്ങളെയും വംശനാശ ഭീഷണി നേരിടുന്ന മൃഗങ്ങളെയും വളര്ത്തുന്നത് നിയമ ലംഘനമാണ്.