October 26, 2019
October 26, 2019
റിയാദ്: പ്രധാനമന്ത്രി സാദ് ഹരീരിയുടെ നേതൃത്വത്തിലുള്ള ലബനാന് സര്ക്കാര് 48 മണിക്കൂറിനകം രാജിവയ്ക്കുമെന്ന് സൗദി മാധ്യമം. പേരു വെളിപ്പെടുത്താത്ത ലബനീസ് സര്ക്കാര് വൃത്തങ്ങളെ ഉദ്ധരിച്ച് ഒക്കാസ് പത്രമാണ് ഇക്കാര്യം റിപ്പോര്ട്ട് ചെയ്തത്.
രാജിവച്ച ശേഷം പുതിയ 14 മന്ത്രിമാരെ ഉൾപെടുത്തി പുതിയ താൽകാലിക മന്ത്രിസഭയ്ക്ക് ഹരീരി രൂപംനല്കുമെന്നും പത്രം സൂചിപ്പിക്കുന്നു. നിലവിലെ മന്ത്രിസഭയിലെ ഒരു അംഗത്തെയും ഉള്പ്പെടുത്താതെയാകും പുതിയ മന്ത്രിസഭ. വിദേശകാര്യ മന്ത്രി ജിബ്രാന് ബാസില്, ആഭ്യന്തര മന്ത്രി റയ അല്ഹസന് എന്നിവര്ക്കു സ്ഥാനം നഷ്ടമാകും. പുതിയ നീക്കത്തിന് സര്ക്കാരിലെ എല്ലാ കക്ഷികളും അംഗീകാരം നല്കിയതായി ഉക്കാസ് റിപ്പോര്ട്ടില് പറയുന്നു.
ഇതിനിടെ, തുടര്ച്ചയായ ഒന്പതാം ദിവസവും ലബനാനില് ജനകീയ പ്രക്ഷോഭം തുടരുകയാണ്. സര്ക്കാര് പ്രഖ്യാപിച്ച ഇടക്കാല ഭരണ പരിഷ്ക്കരണങ്ങളും സാമ്പത്തിക പാക്കേജും മുഖവിലയ്ക്കെടുക്കാതെയാണു സമരക്കാര് പ്രക്ഷോഭവുമായി മുന്നോട്ടുപോകുന്നത്.