July 03, 2021
July 03, 2021
കുവൈത്ത് സിറ്റി : കുവൈത്തിൽ താമസരേഖ പുതുക്കുന്നതിന് ലഹരി പരിശോധന നിർബന്ധമാക്കണമെന്ന് നിർദേശം.പ്രവാസികളുടെ താമസ രേഖ പുതുക്കൽ,സ്വദേശികളുടെ വിവാഹം,ജോലിയിലുള്ള ഒത്തുചേരൽ എന്നിവക്ക് ലഹരി ഉപയോഗിക്കുന്നില്ലെന്ന് ഉറപ്പുവരുത്തണമെന്നാണ് നിർദേശം.പാർലമെന്റ് അംഗമായ മുഹന്നദ് അൽ സയറാണ് വിചിത്രമായ ആവശ്യം മുന്നോട്ടുവെച്ചത്.
കഴിഞ്ഞ പത്തുവർഷത്തിനിടെ രാജ്യത്ത് ലഹരിവസ്തുക്കളുടെ ഉപയോഗവുമായി ബന്ധപ്പെട്ട് പതിനേഴായിരം കേസുകളാണ് രജിസ്റ്റർ ചെയ്തത്.ഇക്കാര്യം ചൂണ്ടിക്കാട്ടിയാണ് മുഹന്നദ് ആരോഗ്യ,ആഭ്യന്തര മന്ത്രാലയങ്ങൾക്ക് മുന്നിൽ ഇത്തരമൊരു നിർദേശം മുന്നോട്ടുവെച്ചത്.