March 03, 2021
March 03, 2021
മസ്കത്ത് : കോഴിക്കോട് സ്വദേശി ഒമാനിലെ ഇബ്രിയില് വാഹനാപകടത്തില് മരിച്ചു. വടകര മൊകേരി കോവുക്കുന്ന് താണിയുള്ളതില് വീട്ടില് യുസുഫിന്റെ മകന് ആഷിര് (32) ആണ് മരിച്ചത്. ഇബ്രിക്കടുത്ത് കുബാറയില് ബുധനാഴ്ച രാവിലെ പത്തരയോടെയായിരുന്നു അപകടം.
സമാഈലില് ഫുഡ്സ്റ്റഫ് കമ്പനിയിൽ വാന്സെയില്സ് വിഭാഗം ജീവനക്കാരനായിരുന്നു. ജോലി ആവശ്യാര്ഥം ഇബ്രിയിലെത്തിയ ആഷിര് സഞ്ചരിച്ച വാന് നഗരസഭയുടെ വാഹനത്തില് ഇടിച്ചാണ് അപകടമുണ്ടായത്. ആഷിര് സംഭവ സ്ഥലത്ത് വെച്ച് തന്നെ മരിച്ചു. വാഹനത്തില് ഒപ്പമുണ്ടായിരുന്ന സ്വദേശിക്കും മറ്റൊരാള്ക്കും ഗുരുതര പരിക്കേറ്റു.
നഫീസയാണ് മാതാവ്.. ഭാര്യയും കുട്ടിയുമുണ്ട്. മൃതദേഹം നാട്ടിലെത്തിക്കുന്നതിനുള്ള നടപടികള് പുരോഗമിക്കുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ഫോൺ ഉപയോഗിക്കുന്നവർ പ്ളേസ്റ്റോറിൽ നിന്നും newsroom connect ആപ് ഡൗൺ ലോഡ് ചെയ്യുക