February 14, 2021
February 14, 2021
ദോഹ : ഖത്തറിലെ പ്രവാസി വ്യവസായി തൂണേരി മുടവന്തേരി സ്വദേശി മേക്കര താഴെകുനി എം.ടി.കെ. അഹമ്മദിനെ നാട്ടിൽ തട്ടിക്കൊണ്ടുപോയ സംഭവത്തിൽ ഒരാളെ നാദാപുരം പോലീസ് കസ്റ്റഡിയിലെടുത്തതായി സൂചന.ക്വട്ടേഷൻ സംഘത്തിൽ പെട്ട അഭിലാഷ് എന്ന വ്യക്തിയെയാണ് ഇന്ന് വൈകുന്നേരത്തോടെ അറസ്റ്റു ചെയ്തതെന്നാണ് വിവരം.ഇയാളെ നാദാപുരം പോലീസ് ചോദ്യം ചെയ്തുവരുന്നതായാണ് സൂചന.
അതേസമയം,ഇതുസംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.
കഴിഞ്ഞ ദിവസം പുലര്ച്ചെ 5.20 ഓടെ പള്ളിയില് പോവുന്ന വഴിയിൽ സ്കൂട്ടര് തടഞ്ഞ് നിര്ത്തി ബലമായി അഹമ്മദിനെ കാറില് പിടിച്ചു കയറ്റുകയായിരുന്നു.പയ്യന്നൂർ,കാസർകോഡ് ഭാഗത്തുള്ള ക്വട്ടേഷൻ സംഘമാണ് അഹമ്മദിനെ തട്ടിക്കൊണ്ടു പോയതെന്നാണ് സൂചന.60 ലക്ഷം രൂപയ്ക്ക് സമാനമായ തുകയാണ് സംഘം മോചന ദ്രവ്യമായി ആവശ്യപ്പെട്ടത്.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.