Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
അഷ്‌റഫ് തന്നെ താരം,ഖത്തറിൽ കടലിൽ മുങ്ങിമരിക്കാനിരുന്ന രണ്ടു കുട്ടികളെ രക്ഷപ്പെടുത്തി കീഴുപറമ്പ് സ്വദേശി

July 22, 2021

July 22, 2021

ദോഹ: കീഴുപറമ്പ് സ്വദേശി അഷ്‌റഫിന്റെ ഇടപെടൽ മൂലം രണ്ടു കുട്ടികളുടെ ജീവൻ രക്ഷപ്പെട്ടതിന്റെ ആശ്വാസത്തിലാണ് ദോഹയിലെ കോഴിക്കോട് സ്വദേശികളായ ദമ്പതികൾ.ബുധനാഴ്‌ച്ച രാത്രി പത്തു മണിക്കാണ് ഖത്തറിലെ അൽ താഖിറ ബീച്ചിൽ പെരുന്നാൾ ഒഴിവുദിനം ആഘോഷിക്കാനെത്തിയ കുടുംബത്തിലെ രണ്ടു കുട്ടികൾ അപകടത്തിൽ പെട്ടത്. ബീച്ചിൽ കണ്ടൽക്കാടുകൾക്കു സമീപം നീന്താനിറങ്ങിയ രണ്ട് കുട്ടികൾ വെള്ളത്തിൽ പെടുകയായിരുന്നു.. കൂടെയുണ്ടായിരുന്ന കുട്ടികളുടെ അലർച്ചകേട്ട് തൊട്ടടുത്ത് ചൂണ്ടയിടുകയായിരുന്ന അഷ്‌റഫ് തന്റെ മൊബൈൽ  വലിച്ചെറിഞ്ഞു വെള്ളത്തിൽ എടുത്തുചാടുകയായിരുന്നു.തുടർന്ന് കുട്ടികളെ സുരക്ഷിതമായി കരയിലെത്തിച്ചു കോഴിക്കോട് സ്വദേശികളായ മാതാപിതാക്കളെ ഏല്പിച്ചു.

എട്ടു വയസ്സുള്ള ആൺകുട്ടിയെയും 12 വയസ്സുള്ള പെൺകുട്ടിയെയുമാണ് രക്ഷപ്പെടുത്തിയത്. കീഴുപറമ്പ വെൽഫെയർ അസോസിയേഷൻ (കെപ്‌ വ) എന്ന സംഘടന അൽ താഖിറ ബീച്ചിൽ സംഘടിപ്പിച്ച പെരുന്നാൾ ഒത്തുചേരലിൽ പങ്കെടുക്കുന്നതിനിടെ ചൂണ്ടയിടുകയായിരുന്നു അഷ്‌റഫ്. സുഹൃത്തുക്കളിൽ നിന്നും അല്പം മാറി ചൂണ്ടയിടുന്നതിനിടെയാണ് അപകടം ശ്രദ്ധയിൽ പെട്ടത്.വളരെ ആഴമുള്ള സ്ഥലത്താൻ കുട്ടികൾ അപകടത്തിൽ പെട്ടതെന്നും  കാലുകൾ നിലത്തു സ്പർശിക്കാത്തതിനാൽ വളരെ  ബുദ്ധിമുട്ടിയാണ് കുട്ടികളെ കരയിൽ എത്തിച്ചതെന്നും അഷ്‌റഫ് പറഞ്ഞു.ഈ ഭാഗം അപകട സാദ്ധ്യതകൾ നിറഞ്ഞതാണെന്നും ആരും കടലിൽ ഇറങ്ങരുതെന്നും അഷ്‌റഫ് പറഞ്ഞു.
രണ്ട് ജീവൻ രക്ഷിച്ച അഷ്റഫിന് സമൂഹ മാധ്യമങ്ങളിൽ അഭിനന്ദന പ്രവാഹമാണ്.

ഖത്തറിൽ ആഭ്യന്തര മന്ത്രാലയത്തിൽ പി.ആർ.ഒ  ആയി ജോലി ചെയ്യുകയാണ് അഷ്‌റഫ്.


Latest Related News