September 07, 2019
September 07, 2019
മൂന്നാംഘട്ട ആണവ കരാര് വ്യവസ്ഥാ പിന്മാറ്റത്തിന്റെ വിശദാംശങ്ങള് ഇന്ന് ഇറാന് പ്രഖ്യാപിക്കാനിരിക്കെയാണ് നിരീക്ഷണ സമിതി മേധാവി ഇറാൻ സന്ദർശിക്കുന്നത്.
തെഹ്റാൻ : യു.എന് ആണവ നിരീക്ഷണ സംഘം ഇന്റര്നാഷനല് ആറ്റമിക് എനര്ജി ഏജന്സി(ഐ.എ.ഇ.എ) മേധാവി ഇന്ന് ഇറാന് സന്ദര്ശിക്കും.ആണവ കരാറുമായി ബന്ധപ്പെട്ട ഇറാന്റെ പുതിയ നീക്കങ്ങളുടെ പശ്ചാത്തലത്തിലാണ് ഐ.എ.ഇ.എ ആക്ടിങ് ഡയരക്ടര് ജനറല് കോര്ണല് ഫെറൂറ്റ തെഹ്റാനിലെത്തുന്നത്.
ഇന്ന് ഇറാനിലെത്തുന്ന ഫെറൂറ്റ ഉന്നത ഇറാനിലെ ഉന്നത വൃത്തങ്ങളുമായി കൂടിക്കാഴ്ച നടത്തും. ഇറാനുമായി തുടര്ന്നുവരുന്ന പരസ്പര സമ്പര്ക്കങ്ങളുടെ ഭാഗമായാണ് മേധാവിയുടെ സന്ദര്ശനമെന്ന് ഐ.എ.ഇ.എ പ്രസ്താവനയില് അറിയിച്ചു.
ആണവ കരാര് പ്രകാരമുള്ള ഇറാന്റെ നടപടികളെ നിരീക്ഷിക്കുകയും കൂടുതൽ വ്യക്തത വരുത്തുകയുമാണ് സന്ദർശനത്തിന്റെ ലക്ഷ്യമെന്നും അധികൃതർ വ്യക്തമാക്കി.