November 02, 2019
November 02, 2019
ദോഹ : അൽ വക്ര മുനിസിപ്പാലിറ്റിക്ക് കീഴിൽ ആരോഗ്യവിഭാഗം ഭക്ഷ്യ സുരക്ഷാ പരിശോധനകൾ ഊർജിതമാക്കി.വക്ര മുനിസിപ്പാലിറ്റിയുടെ അതിർത്തി നഗരങ്ങളിലെ റസ്റ്റോറന്റുകൾ,കിച്ചനുകൾ,സൂപ്പർമാർക്കറ്റുകൾ,കോഫീ ഷോപ്പുകൾ എന്നിവിടങ്ങളിലാണ് പ്രധാനമായും പരിശോധനകൾ നടത്തിയത്. പഴകിയ എണ്ണയുടെ ഉപയോഗം, കൃത്യമായ ശീതീകരണ സംവിധാനങ്ങളില്ലാതെ ഇറച്ചി ഉത്പന്നങ്ങൾ സൂക്ഷിക്കൽ എന്നിവയാണ് പ്രധാനമായും കണ്ടെത്തിയ നിയമലംഘനങ്ങൾ.
ഇതിനിടെ,കഴിഞ്ഞ ജനുവരി മുതൽ സെപ്തംബർ വരെയുള്ള കാലയളവിൽ ആരോഗ്യ വിഭാഗം 3577 തവണ പരിശോധനകൾ നടത്തിയതായും 126 എണ്ണത്തിൽ തുടർനടപടികൾ സ്വീകരിച്ചതായും അധികൃതർ വ്യക്തമാക്കി. 24 സാമ്പിളുകൾ സൂക്ഷ്മ പരിശോധനകൾക്കായി ലബോറട്ടറികൾക്ക് കൈമാറിയിട്ടുണ്ട്.