July 03, 2020
July 03, 2020
ദോഹ : കോവിഡ് പ്രതിസന്ധിയുണ്ടാക്കിയ സാമ്പത്തിക പ്രതിസന്ധികൾ മൂലം നാട്ടിലേക്ക് മടങ്ങാൻ കഴിയാതിരുന്ന 180 ഓളം പേർക്കായി ഇൻകാസ് ഖത്തർ സെൻട്രൽ കമ്മറ്റി ഒരുക്കിയ സൗജന്യ ചാർട്ടേഡ് വിമാനം ശനിയാഴ്ച രാവിലെ കോഴിക്കോട്ടേക്ക് യാത്ര തിരിക്കും. പ്രായമുള്ളവരും രോഗികളും, കുട്ടികളും, ഗർഭിണികളും ഉൾപെടെയുള്ളവർക്ക് തികച്ചും സൗജന്യമായാണ് യാത്രാ സൗകര്യം ഒരുക്കുന്നത്.മൂവായിരത്തിൽ പരം രജിസ്ട്രേഷനുകൾ ലഭിച്ചതിൽ നിന്ന് ഏറ്റവും അർഹരായവരെ തെരഞ്ഞെടുത്താണ് യാത്രാ സൗകര്യം ഒരുക്കിയത്.
വിമാനത്തിലെ മുഴുവൻ യാത്രക്കാർക്കും പി പി ഇ കിറ്റ് ഉൾപ്പടെയുള്ള സുരക്ഷാ സാമഗ്രികൾ ഒരുക്കിയിട്ടുണ്ടെന്നും ഇതിനായി സഹായങ്ങൾ നൽകിയ എല്ലാവര്ക്കും നന്ദി അറിയിക്കുന്നതായും ഇൻകാസ് ഖത്തർ സെൻട്രൽ കമ്മിറ്റി പ്രസിഡൻ്റ് സമീർ ഏറാമല അറിയിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
