December 23, 2020
December 23, 2020
ദുബായ് : ജനിതക മാറ്റത്തോടെയുള്ള കോവിഡ് വ്യാപനത്തെ പ്രതിരോധിക്കുന്നതിനായി മൂന്ന് ഗൾഫ് രാജ്യങ്ങൾ അപ്രതീക്ഷിതമായി വിമാന സർവീസുകൾ നിർത്തിവെച്ചത് മലയാളികൾ ഉൾപെടെ നിരവധി ഇന്ത്യക്കാർക്ക് തിരിച്ചടിയായി.ദുബായ് ഉൾപ്പെടെയുള്ള രാജ്യങ്ങൾ ഇടത്താവളമാക്കി കുവൈത്തിലേക്ക് മടങ്ങാനിരുന്ന യാത്രക്കാരാണ് ഇതോടെ പ്രതിസന്ധിയിലായത്.ഇവരുടെ കാര്യത്തിൽ ഇനിയും അനിശ്ചിതത്വം തുടരുകയാണ്.
ഇതിനിടെ,ഇടത്താവളം വഴി കുവൈത്തിലേക്ക് മടങ്ങാനിരുന്ന യാത്രക്കാരെ രാജ്യത്തേക്ക്‌ തിരിച്ചെത്തിക്കുന്നതിനു കുവൈത്ത് വിമാനത്താവളം താൽക്കാലികമായി തുറക്കാൻ ശ്രമം നടക്കുന്നുണ്ടെങ്കിലും കുവൈത്തികൾക്കും അവരുടെ ഗാർഹികത്തൊഴിലാളികൾക്കും ആരോഗ്യ മന്ത്രാലയ ജീവനക്കാർക്കും ബന്ധുക്കൾക്കും മാത്രമാണ് പ്രത്യേക വിമാനത്തിൽ യാത്ര അനുവദിക്കുക എന്നാണ് അധികൃതരിൽ നിന്ന് ലഭിക്കുന്ന വിവരം.
ഇതോടെ യു.എ.ഇ, തുർക്കി തുടങ്ങി ഇടത്താവളങ്ങളിൽ ക്വാറന്‍റൈനിലുള്ള പ്രവാസികളുടെ യാത്ര സംബന്ധിച്ച അനിശ്ചിതത്വം തുടരുകയാണ്. അതിനിടെ വിമാന സർവീസ് നിർത്തിവെച്ചത് മൂലം യു.എ.ഇയിൽ കുടുങ്ങിയ കുവൈത്ത് പ്രവാസികൾക്കായി ജി.കെ.പി.എ ഉൾപ്പെടെയുള്ള പ്രവാസി സംഘടനകൾ ഹെൽപ്പ് ഡെസ്ക് ആരംഭിച്ചിട്ടുണ്ട് .
ബ്രിട്ടനിൽ ജനിതക മാറ്റം സംഭവിച്ച കൊറോണ വൈറസ് സാന്നിധ്യം കണ്ടെത്തിയതിനെ തുടർന്ന് ഇന്നലെ വൈകീട്ടാണ് കുവൈത്ത് അന്താരാഷ്ട്ര വിമാനത്താവളത്തിൽ കൊമേഴ്സ്യല്‍ വിമാന സർവീസ് നിർത്തിവെച്ചത്.
TELEGRAM
FACEBOOK PAGE
https://www.facebook.com/newsroomme
00974 66200167
