April 15, 2021
April 15, 2021
ജിദ്ദ: സൗദി അറേബ്യയിലെ ജിസാന് നേരെ ഹൂതികള് വിക്ഷേപിച്ച അഞ്ച് ബാലിസ്റ്റിക് മിസൈലുകളും സ്ഫോടകവസ്തുക്കള് നിറച്ച നാല് ഡ്രോണുകളും അറബ് സഖ്യസേന തകര്ത്തു.
ബുധനാഴ്ച അര്ധരാത്രിയും വ്യാഴാഴ്ച പുലര്ച്ചെയുമായിരുന്നു ഇറാന് പിന്തുണയോടെയുള്ള ഹൂതി മിലിഷ്യകളുടെ ആക്രമണം. രാജ്യത്തെ സിവിലിയന്മാരെ ലക്ഷ്യമിട്ടുള്ള ഹൂതികളുടെ ആസൂത്രിതവും മനഃപൂര്വവും ശത്രുതാപരവുമായ ശ്രമങ്ങളുടെ ഭാഗമാണ് തുടര്ച്ചയായ ഇത്തരം ആക്രമണങ്ങളെന്ന് സഖ്യസേന പറഞ്ഞു.
അന്താരാഷ്ട്ര മാനുഷിക നിയമങ്ങള്ക്കനുസൃതമായി സാധാരണക്കാരെ സംരക്ഷിക്കുന്നതിന് ആവശ്യമായ എല്ലാ നടപടികളും സ്വീകരിക്കുമെന്നും സഖ്യസേന അറിയിച്ചു.
യെമനില് സുരക്ഷയും സുസ്ഥിരതയും പുനഃസ്ഥാപിക്കുന്നതിനായി സമഗ്ര വെടിനിര്ത്തല് വേണമെന്ന സൗദി അറേബ്യയുടെ ആവര്ത്തിച്ചുള്ള ആഹ്വാനങ്ങള് അവഗണിച്ചുകൊണ്ട് ഹൂതികള് അടുത്തിടെ നിരവധി സൗദി നഗരങ്ങളിലും പ്രദേശങ്ങളിലും സിവിലിയന്മാരെയും സ്ഥാപനങ്ങളെയും ലക്ഷ്യമിട്ട് ആക്രമണങ്ങള് ശക്തമാക്കിയിട്ടുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക