Breaking News
വടകര കക്കട്ടിൽ സ്വദേശിയെ ഒമാനിൽ മരിച്ച നിലയിൽ കണ്ടെത്തി  | ഗാർഹിക തൊഴിലാളികൾക്ക് കുവൈത്തിലേക്ക് തിരിച്ചുവരാൻ അനുമതി  | ഫ്രഞ്ച് മൂല്യങ്ങളുടെ ചാര്‍ട്ടറില്‍ ഒപ്പിടാന്‍ ഫ്രാന്‍സിലെ മുസ്‌ലിങ്ങള്‍ക്കുമേല്‍ സര്‍ക്കാറിന്റെ സമ്മര്‍ദ്ദം; മുസ്‌ലിങ്ങളോടുള്ള വിവേചനമെന്ന് ആരോപണം | അമേരിക്ക തങ്ങളെ ആക്രമിച്ചാൽ പകരം യു.എ.ഇയെ ആക്രമിക്കുമെന്ന് ഇറാൻ  | ഫൈവ് സ്റ്റാര്‍ കൊവിഡ് സുരക്ഷാ റേറ്റിങ് നേടുന്ന ഏഷ്യയിലെ ആദ്യ വിമാനത്താവളമായി ഖത്തറിലെ ഹമദ് അന്താരാഷ്ട്ര വിമാനത്താവളം | ഖത്തറില്‍ കൊവിഡ് ബാധിച്ച് ഒരാള്‍ കൂടി മരിച്ചു; ഇന്ന് രോഗം സ്ഥിരീകരിച്ചത് 168 പേര്‍ക്ക്; 150 പേര്‍ക്കും സമ്പര്‍ക്കത്തിലൂടെ | ഖത്തറിൽ ഇനി പരിസ്ഥിതി സൗഹൃദ വാഹനങ്ങള്‍, നിരവധി കരാറുകളില്‍ ഒപ്പുവച്ചു | പ്രവാസികൾക്ക് ഇലക്ട്രോണിക് വോട്ട്,തയാറെടുപ്പുകൾ പൂർത്തിയായതായി കേന്ദ്ര തെരഞ്ഞെടുപ്പ് കമ്മീഷൻ  | ഒമാനിലെ നിസ്‌വയിൽ പക്ഷാഘാതത്തെ തുടർന്ന് മലയാളി നിര്യാതനായി | കോവിഡ്,സൗദിയിൽ രണ്ട് മലയാളികൾ മരിച്ചു  |
കേരളത്തിൽ മഴ കനത്തു,ഏതു സാഹചര്യവും നേരിടാൻ തയാറായിരിക്കണമെന്ന് ഡിജിപിയുടെ നിർദേശം

July 30, 2020

July 30, 2020

തിരുവനന്തപുരം : സംസ്ഥാനത്തെ ചില ജില്ലകളിൽ കാലവർഷം ശക്തിപ്രാപിക്കുമെന്ന മുന്നറിയിപ്പിന്റെ അടിസ്ഥാനത്തിൽ ഏത് അടിയന്തര സാഹചര്യവും നേരിടാൻ തയാറായിരിക്കാൻ പൊലീസ് ഉദ്യോഗസ്ഥർക്ക് നിർദേശം നൽകിയതായി സംസ്ഥാന പൊലീസ് മേധാവി ലോക്‌നാഥ് ബെഹ്‌റ അറിയിച്ചു. ആംഡ് പൊലീസ് ബറ്റാലിയനുകൾ, കാലാവസ്ഥാ മുന്നറിയിപ്പ് നൽകിയ പ്രദേശങ്ങളിലെ പൊലീസ് സ്റ്റേഷനുകൾ എന്നിവക്ക് പ്രത്യേക ജാഗ്രതാ നിർദേശം നൽകിയിട്ടുണ്ട്. കൊവിഡ് സുരക്ഷാ പ്രോട്ടോക്കോൾ പരമാവധി പാലിച്ചുകൊണ്ടായിരിക്കും ദുരിതാശ്വാസ പ്രവർത്തനങ്ങളിൽ പൊലീസ് ഏർപ്പെടുകയെന്നും സംസ്ഥാന പൊലീസ് മേധാവി അറിയിച്ചു.

അതേസമയം സംസ്ഥാനത്ത് ഇന്നും അതിശക്തമായ മഴ തുടരാൻ സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പുണ്ട്. ഇന്ന് വടക്കൻ കേരളത്തിലും മധ്യകേരളത്തിലും മഴ കനക്കും. വടക്കൻ കേരളത്തിലെ അഞ്ച് ജില്ലകളിൽ ഓറഞ്ച് അലർട്ട് പ്രഖ്യാപിച്ചു.

മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ് ഓറഞ്ച് മുന്നറിയിപ്പുള്ളത്. അതിന് പുറമെ ആലപ്പുഴ, കോട്ടയം, എറണാകുളം, തൃശൂർ, പാലക്കാട് ജില്ലകളിൽ യെല്ലോ അലേർട്ടും പ്രഖ്യാപിച്ചു. നാളെ ആറ് ജില്ലകളിലും മഴ മുന്നറിയിപ്പുണ്ട്.

പൊതുജനങ്ങളും സർക്കാർ സംവിധാനങ്ങളും ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി നിർദേശം നൽകി. നദീതീരങ്ങളിലും താഴ്ന്ന പ്രദേശങ്ങളിലും, മലയോര മേഖലകളിൽ താമസിക്കുന്നവരും മണ്ണിടിച്ചിൽ ഭീഷണി നിലനിൽക്കുന്ന പ്രദേശങ്ങളിൽ താമസിക്കുന്നവരും പ്രത്യേക ജാഗ്രത പുലർത്തണം.

ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News