September 25, 2019
September 25, 2019
ദുബായ് : 15 പേർക്ക് ഭക്ഷ്യ വിഷബാധയേറ്റതിനെ തുടർന്ന് ദുബായിലെ ജുമൈറയിലുള്ള അമേരിക്കന് റസ്റ്റോറന്റ് ദുബായ് മുനിസിപ്പാലിറ്റി അടച്ച് പൂട്ടി. മുഖ്യപാചകക്കാരനെ പോലീസ് അറസ്റ്റ് ചെയ്തു. വിഷബാധയേറ്റവര് കഴിച്ച ഭക്ഷണത്തില് 'സാല്മൊണല്ല' ബാക്ടീരിയ കണ്ടെത്തിയതിനെ തുടര്ന്നാണ് നടപടി.ആറു മാസത്തേക്കാണ് റെസ്റ്റോറന്റ് അടപ്പിച്ചത്.ഇതിനു ശേഷം വീഴ്ചകൾ ആവർത്തിക്കാതിരിക്കാനുള്ള നടപടികൾ സ്വീകരിച്ചാൽ മാത്രം തുറന്ന് പ്രവർത്തിക്കാൻ അനുമതി നൽകും.
വയറിളക്കവും പനിയും ചര്ദ്ദിയും അനുഭവപ്പെട്ടതിനെ തുടര്ന്ന് കുട്ടികളടക്കം 15 പേരെയാണ് ആശുപത്രിയില് പ്രവേശിപ്പിച്ചത്.ഹോളണ്ടൈസ് സോസിൽ ഉപയോഗിക്കുന്ന അസംസ്കൃത മുട്ടകളിലാണ് അണുബാധ കണ്ടെത്തിയതെന്ന് അധികൃതർ പറഞ്ഞു.