November 27, 2020
November 27, 2020
റിയാദ് : ഇന്ത്യയിൽ നിന്ന് സൗദിയിലേക്ക് വിമാന സർവീസ് ആരംഭിക്കുന്നത് സംബന്ധിച്ച സന്തോഷവാർത്ത ഉടൻ ഉണ്ടാകുമെന്ന് സൗദിയിലെ ഇന്ത്യൻ അംബാസിഡർ ഡോ.ഔസാഫ് സയീദ് അറിയിച്ചു.ആരോഗ്യവകുപ്പ് സഹമന്ത്രി,സിവിൽ ഏവിയേഷൻ അധികൃതർ,വിദേശകാര്യ മന്ത്രാലയം ഉദ്യോഗസ്ഥർ എന്നിവരുമായി ഇക്കാര്യം ചർച്ച ചെയ്തുവെന്നും എയർ ബബിൾ കരാറിനുള്ള ശ്രമം തുടരുകയാണെന്നും അദ്ദേഹം പറഞ്ഞു.ഭരണഘടനാ ദിനത്തോടനുബന്ധിച്ച് നടന്ന ചടങ്ങിൽ പ്രഭാഷണത്തിനിടെയാണ് അദ്ദേഹം ഇക്കാര്യം പറഞ്ഞത്.
ഇന്ത്യക്കാരുടെ പ്രശ്നങ്ങൾ സൗദി അധികൃതർക്ക് ബോധ്യമായിട്ടുണ്ടെന്നും വൈകാതെ പരിഹാരമുണ്ടാകുമെന്നും അദ്ദേഹം പറഞ്ഞു.ചർച്ചയുടെ ഫലമായാണ് ആദ്യഘട്ടമെന്ന നിലയിൽ ഇന്ത്യയിൽ നിന്നുള്ള ആരോഗ്യപ്രവർത്തകർക്കും അവരുടെ കുടുംബങ്ങൾക്കും 14 ദിവസത്തെ കൊറന്റൈൻ ഇല്ലാതെ സൗദിയിലേക്ക് വരാൻ അവസരം ഒരുങ്ങിയത്.പുതിയ തൊഴിൽ നിയമ ഭേദഗതി പ്രകാരവും മറ്റും ഇന്ത്യക്കാർ നേരിടുന്ന തൊഴിൽ പ്രശ്നം സംബന്ധിച്ച് സൗദി തൊഴിൽ വകുപ്പ് സഹമന്ത്രിയുമായി ചർച്ച നടത്തിയതായും അദ്ദേഹം കൂട്ടിച്ചേർത്തു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.