November 02, 2019
November 02, 2019
ദോഹ : മിസൈമിർ ഇന്റർചേഞ്ചിൽ പുതുതായി നിർമിച്ച അടിപ്പാത യാത്രക്കാർക്കായി തുറന്നു. പൊതുമരാമത്ത് വിഭാഗമായ അശ്ഗാലാണ് ഇക്കാര്യം അറിയിച്ചത്. 220 മീറ്റർ ദൈർഘ്യമുള്ളതാണ് അടിപ്പാത.
ഖത്തറിലെ ഗതാഗത സംവിധാനത്തിൽ നിർണായക ചുവടുവെപ്പായ ഒൻപത് ഇന്റർസെക്ഷനുകളിൽ ആദ്യത്തേതാണ് ഈ അടിപ്പാത. പദ്ധതിയുടെ 65 ശതമാനം നിർമാണ പ്രവർത്തനങ്ങൾ പൂർത്തിയായതായും ആറു മാസത്തിനകം മുൻ നിശ്ചയിച്ചതിനും നേരത്തെ യാത്രക്കായി തുറക്കുമെന്നും അശ്ഗാൽ അറിയിച്ചു.