September 16, 2019
September 16, 2019
ദുബായ് : ബഹുനില കെട്ടിടത്തിൽ അഗ്നിബാധ. ആളപായമില്ലെന്നാണ് പ്രാഥമിക റിപോർട്ട്. നാശനഷ്ടം കണക്കാക്കിയിട്ടില്ല. ഷെയ്ഖ് സായിദ് റോഡിൽ ഷാംഗ്രില ഹോട്ടലിനടുത്തെ 15 നില കെട്ടിടത്തിലെ പത്താം നിലയിലെ ഫ്ലാറ്റിനാണ് തിങ്കൾ രാവിലെ ഒൻപതിന് തീ പിടിച്ചതെന്ന് പൊലീസ് പറഞ്ഞു. ഇന്ത്യക്കാരടക്കം നൂറുകണക്കിന് കുടുംബങ്ങൾ താമസിക്കുന്ന കെട്ടിടമാണിത്. തീ പിടിത്തമുണ്ടായ ഉടനെ താമസക്കാരെ പുറത്തിറക്കി. ഉടൻ സ്ഥലത്തെത്തിയ അഗ്നിശമന സേനയും സിവിൽ ഡിഫൻസും രക്ഷാപ്രവർത്തനം നടത്തി. അഗ്നിബാധയുടെ കാരണം അന്വേഷിച്ചു വരികയാണ്.