September 29, 2019
September 29, 2019
ജിദ്ദ: ഹറമൈന് അതിവേഗ റെയില്വേയുടെ ജിദ്ദ സുലൈമാനിയയിലെ റെയില്വേ സ്റ്റേഷനില് വന് അഗ്നിബാധ. മക്ക-മദീന നഗരങ്ങളെ ബന്ധിപ്പിച്ചുകൊണ്ടുള്ള ഹറമൈൻ റെയിൽവേ പാതയിൽ സ്റ്റേഷന് അകത്തുള്ള കെട്ടിടത്തിലാണ് തീപിടിത്തമുണ്ടായത്. ഇന്ന് ഉച്ചയ്ക്ക് സൗദി സമയം 12.35 നാണ് തീപിടുത്തമുണ്ടായതെന്നാണ് വിവരം. അഗ്നിബാധ തുടരുകയാണ്.ഹെലിക്കോപ്റ്ററുകൾ ഉൾപ്പെടെയുള്ള അഗ്നിശമന സേനാ വിഭാഗങ്ങൾ തീയണക്കാനുള്ള ശ്രമം തുടരുകയാണ്.
കെട്ടിടത്തിന്റെ നാലാം നിലയില് നിന്നാണ് തീപടര്ന്നത് എന്നാണ് വിവരം. ട്രെയിന് സര്വീസുകള് റദ്ദാക്കി. ആര്ക്കും പരിക്കില്ലെന്നാണ് പ്രാഥമിക വിവരം. ആളുകളെ റെയില്വേസ്റ്റേഷനില് നിന്ന് ഒഴിപ്പിക്കുന്നുണ്ട്.കഴിഞ്ഞ സെപ്തംബറിലാണ് ഹറമൈൻ അതിവേഗ റയിൽവേ സർവീസുകൾ ആരംഭിച്ചത്.