December 07, 2019
December 07, 2019
ദോഹ : ദോഹയില്‍ ഡിസംബര്‍ 11 മുതല്‍ 21 വരെ നടക്കുന്ന ഫിഫ ക്ലബ്‌ വേള്‍ഡ് കപ്പിനുള്ള 70 ശതമാനം ടിക്കറ്റുകളും വിറ്റുതീര്‍ന്നതായി ഖത്തര്‍ 2022 സി.ഇ.ഓ നാസിര്‍ അല്‍ ഖാതിര്‍ അറിയിച്ചു. ടിക്കറ്റ് വില്പന ഇപ്പോഴും തുടരുകയാണെന്നും ഫിഫ വെബ്സൈറ്റില്‍ ടിക്കറ്റ് ലഭ്യമാണെന്നും അദ്ദേഹം കൂട്ടിച്ചേർത്തു. മത്സരങ്ങള്‍ കാണാന്‍ ലോകത്തിന്റെ വിവിധ ഭാഗങ്ങളില്‍ നിന്നും ആയിരക്കണക്കിന് ഫുട്ബോള്‍ ആരാധകര്‍ ദോഹയില്‍ എത്തിക്കൊണ്ടിരിക്കുകയാണെന്നും അദ്ദേഹം പറഞ്ഞു. ലിവര്‍പൂള്‍, ഫ്ലാമെന്ഗോ, അല്‍ ഹിലാല്‍, ഖത്തറിലെ അല്‍ സദ്‌ തുടങ്ങിയ നിരവധി ക്ലബ്ബുകളാണ് ടൂര്‍ണമെന്റില്‍ പങ്കെടുക്കുന്നത്.
ആദ്യ മൂന്ന് റൗണ്ട് മത്സരങ്ങൾക്ക് കാറ്റഗറി ഒന്നിൽ 100 റിയാലും കാറ്റഗറി രണ്ടിൽ 50 റിയാലും കാറ്റഗറി മൂന്നിൽ 25 റിയാലുമാണ് നിരക്ക്. സെക്കൻഡ് സെമി ഫൈനൽ മത്സരങ്ങൾക്ക് കാറ്റഗറി ഒന്നിൽ 300 റിയാലും കാറ്റഗറി രണ്ടിൽ 150 റിയാലും കാറ്റഗറി മൂന്നിൽ 75 റിയാലുമാണ് നിരക്ക്. ഫൈനൽ കാണാനുള്ള നിരക്കുകൾ യഥാക്രമം 400,200,100 റിയാൽ വീതം നൽകേണ്ടിവരും.
ഓൺലൈൻ ടിക്കറ്റ് വാങ്ങാനുള്ള ലിങ്ക് :
https://www.fifa.com/clubworldcup/organisation/ticketing/?utm_source=Google&utm_medium=search&utm_campaign=clubworldcup_2019
ഫിഫ ക്ലബ്‌ വേള്‍ഡ് കപ്പ് ടിക്കറ്റ് ഉള്ളവര്‍ക്ക് മെട്രോയില്‍ യാത്ര സൗജന്യമായിരിക്കുമെന്ന് സുപ്രീം കമ്മിറ്റി കഴിഞ്ഞയാഴ്ച അറിയിച്ചിരുന്നു.
