May 03, 2020
May 03, 2020
ദുബായ് : യു.എ.ഇയിൽ നിന്നും നാട്ടിലേക്ക് മടങ്ങാൻ ശനിയാഴ്ച രാത്രി വരെ ഒന്നരലക്ഷത്തിലധികം ഇന്ത്യക്കാർ രജിസ്റ്റർ ചെയ്തതായി ദുബായ് കോൺസുലേറ്റ് അറിയിച്ചു. 157,000 പേരാണ് ഇതുവരെ രജിസ്റ്റർ ചെയ്തത്. ഇവരിൽ 55 ശതമാനവും മലയാളികളാണ്.
കുറഞ്ഞ വരുമാനക്കാരായ സാധാരണ തൊഴിലാളികളാണ് നാട്ടിലേക്ക് മടങ്ങാൻ ആഗ്രഹം പ്രകടിപ്പിച്ചവരിൽ കൂടുതലും- 40 ശതമാനം.വിവിധ മേഖലകളിൽ ജോലി ചെയ്യുന്ന പ്രൊഫണലുകളാണ് 20 ശതമാനം.തൊഴിൽ രഹിതരായ ശരാശരി 20 ശതമാനം പേരും നാട്ടിലേക്ക് മടങ്ങാൻ രജിസ്റ്റർ ചെയ്തിട്ടുണ്ടെന്നും ദുബായ് കോൺസുലേറ്റിലെ പ്രസ്സ് ആൻഡ് ഇൻഫർമേഷൻ കോൺസുൽ നീരജ് അഗർവാൾ പ്രാദേശിക പത്രത്തെ അറിയിച്ചു.
'ഉത്തർ പ്രദേശ്,തെലുങ്കാന,ബിഹാർ എന്നീ സംസ്ഥാനങ്ങളിൽ നിന്നുള്ള കൂടുതൽ പേർ ഇനിയും രജിസ്റ്റർ ചെയ്യാനുണ്ടെന്നാണ് കരുതുന്നത്.അതുകൂടി വന്നാൽ ഈ സംഖ്യ ഇനിയും ഉയരും. അപേക്ഷകരിൽ പത്തു ശതമാനം സന്ദർശക വിസയിൽ യു.എ.ഇ യിൽ എത്തിയവരാണ്. വളരെ ചെറിയ ശതമാനം ഗർഭിണികളായ സ്ത്രീകളും രോഗികളും മാത്രമാണ് ഇതുവരെ അപേക്ഷകരായി ഉള്ളത്.'-അദ്ദേഹം പറഞ്ഞു.
ഇതിനിടെ,398,000 വിദേശ മലയാളികൾ നാട്ടിലേക്ക് മടങ്ങാൻ രജിസ്റ്റർ ചെയ്തതായി നോർക്ക അറിയിച്ചിട്ടുണ്ട്. ഇവരിൽ ഭൂരിഭാഗവും യു.എ.ഇയിൽ നിന്നുള്ളവരാണെന്നും 175,423 പേരാണ് യു.എ.ഇയിൽ നിന്ന് മാത്രം രജിസ്റ്റർ ചെയ്തതെന്നും നോർക്ക അറിയിച്ചു.അതായത് യു.എ.ഇയിലെ ഇന്ത്യൻ എംബസി വഴി രജിസ്റ്റർ ചെയ്ത മൊത്തം ഇന്ത്യക്കാരുടെ അത്ര തന്നെ മലയാളികൾ നോർക്ക വഴി മാത്രം യു.എ.ഇ യിൽ നിന്ന് രജിസ്റ്റർ ചെയ്തിട്ടുണ്ട്. 175,423 മലയാളികൾ നോർക്കയിൽ രജിസ്റ്റർ ചെയ്തപ്പോൾ യു.എ.ഇയിൽ നിന്നും ഇന്ത്യൻ എംബസി വഴി രജിസ്റ്റർ ചെയ്തവരുടെ എണ്ണം 80,000ത്തിൽ താഴെ മാത്രമാണ്.
അതേസമയം,കേരളത്തിൽ തിരിച്ചെത്തുന്ന പ്രവാസികൾക്ക് ക്വറന്റൈൻ സൗകര്യങ്ങളും മറ്റ് അടിസ്ഥാന സൗകര്യങ്ങളും ഒരുക്കുന്നതിനുള്ള വിവര ശേഖരണം മാത്രമാണ് നോർക്ക രജിസ്ട്രേഷൻ വഴി നടത്തുന്നത്. വിദേശത്ത് നിന്നും മലയാളികൾ ഉൾപെടെയുള്ള ഇന്ത്യക്കാരെ തിരിച്ചെത്തിക്കുന്ന ദൗത്യം ഓരോ ഗൾഫ് രാജ്യങ്ങളിലെയും എംബസികളായിരിക്കും നിർവഹിക്കുക.ഇതിനുള്ള മുൻ്ഗണന കണക്കാക്കുന്നതും എംബസികളിലെ രജിസ്ട്രേഷൻ വഴിയായിരിക്കും. അതുകൊണ്ടുതന്നെ നോർക്കയിൽ രജിസ്റ്റർ ചെയ്ത നാട്ടിലേക്ക് മടങ്ങാൻ ആഗ്രഹിക്കുന്ന എല്ലാ മലയാളികളും എംബസി രജിസ്ട്രേഷനും പൂർത്തിയാക്കേണ്ടത് നിർബന്ധമാണ്.
വിവിധ ഗൾഫ് രാജ്യങ്ങളുടെ ലിങ്കുകൾ പൂർണ രൂപത്തിൽ ചുവടെ ചേർത്തിട്ടുണ്ട്.
ഖത്തർ
https://docs.google.com/forms/d/e/1FAIpQLSftPP5rNta6ZGPih37Os4AqbZnjwCpkIWCbpguTVyRdeADI7w/viewform
സൗദി അറേബ്യ
https://docs.google.com/forms/d/e/1FAIpQLSc_yyVAYPD-VYH98RNOWZkDkGKVsf34qnu0oGoLdtts3RG7_Q/viewform
യു.എ.ഇ
https://www.cgidubai.gov.in/covid_register/
കുവൈത്ത്
ഒമാൻ
https://docs.google.com/forms/d/e/1FAIpQLSfh_FmNRLorssEjf5w0ciMc0TgxjOuFFdB-Au_qxauEzaTzYQ/viewform
ബഹ്റൈൻ
https://docs.google.com/forms/d/e/1FAIpQLScDg2kCuhQ4LPo2zwEYXwNXNeDcAR-22IM0wJCAK4Ok0emo4Q/viewform
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.