March 09, 2021
March 09, 2021
ജിദ്ദ : ഇന്ത്യയിൽ നിന്ന് ഉൾപ്പെടെയുള്ളവർക്കുള്ള യാത്രാനിയന്ത്രണം നീക്കുന്ന കാര്യത്തിൽ അനിശ്ചിതത്വം തുടരുമ്പോഴും സൗദിയിൽ കുടുംബ സന്ദർശക വിസകൾ അനുവദിക്കുന്നതായി റിപ്പോർട്ട്. കഴിഞ്ഞ ദിവസങ്ങളിൽ നിരവധി മലയാളികൾക്ക് ഇത്തരത്തിൽ കുടുംബ സന്ദർശക വിസകൾ ലഭിച്ചതായി സൗദിയിലെ പ്രാദേശിക പത്രം റിപ്പോർട്ട് ചെയ്തു.ഓൺലൈൻ വഴി അപേക്ഷ നൽകിയാൽ അടുത്ത ദിവസം തന്നെ വിസ ലഭിക്കുന്നതായാണ് റിപ്പോർട്ടിൽ പറയുന്നത്.ഓൺലൈൻ വഴി തന്നെ ചേംബർ അറ്റസ്റ്റേഷനും പൂർത്തിയാക്കാം.
ഡൽഹിയിലെ സൗദി റോയൽ എംബസിയിൽ നിന്ന് മാത്രമാണ് വിസ സ്റ്റാമ്പ് ചെയ്യുന്നത്.മുംബൈ കോൺസുലേറ്റിൽ സ്റ്റാമ്പിങ് തുടങ്ങിയിട്ടില്ലെന്ന് ട്രാവൽ ഏജൻസി വൃത്തങ്ങൾ പ്രാദേശിക പത്രത്തെ അറിയിച്ചു.കഴിഞ്ഞ ദിവസങ്ങളിൽ ഇങ്ങനെ പലർക്കും വിസ സ്റ്റാമ്പ് ചെയ്ത് ലഭിച്ചിട്ടുണ്ട്.മലയാളികളടക്കം നിരവധി പേർക്ക് ഫാമിലി വിസിറ്റ് വിസ ഇഷ്യു ചെയ്തിട്ടുമുണ്ട്.ഇന്ത്യയിൽ നിന്ന് സൗദിയിലേക്ക് വിസാ സ്റ്റാമ്പിങ് പുനരാരംഭിച്ചതായി ഈ മാസം ആദ്യം ഡൽഹി എംബസിയെ ഉദ്ധരിച്ച് വാർത്തകൾ ഉണ്ടായിരുന്നു.എല്ലാ തരം വിസകളുടെയും സ്റ്റാമ്പിങ് സൗദി റോയൽ എംബസിയിൽ നടക്കുമെന്നായിരുന്നു റിപ്പോർട്ട്.അതേസമയം,കഴിഞ്ഞയാഴ്ച മാത്രമാണ് ഫാമിലി വിസിറ്റ് വിസകൾ കൂടുതലായി ലഭിച്ചു തുടങ്ങിയത്.
ഇന്ത്യയിൽ നിന്ന് സൗദിയിലേക്ക് നേരിട്ട് വിമാന സർവീസുകൾ ഇല്ലാത്തതിനാൽ വിസ സ്റ്റാമ്പ് ചെയ്തു കിട്ടുന്നവർ ബഹ്റൈൻ,ഒമാൻ,നേപ്പാൾ തുടങ്ങിയ രാജ്യങ്ങൾ വഴി സൗദിയിലേക്ക് വരേണ്ടി വരും.കോവിഡ് കേസുകൾ രൂക്ഷമായി തുടരുന്ന ഇന്ത്യ,യു.എ.ഇ തുടങ്ങി ഇരുപതോളം രാജ്യങ്ങളിൽ നിന്ന് വരുന്നവർക്കാണ് സൗദിയിൽ പ്രവേശന വിലക്ക് തുടരുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ഫോൺ ഉപയോഗിക്കുന്നവർ ഈ ലിങ്കിൽ നിന്നും newsroom connect ആപ് ഡൗൺ ലോഡ് ചെയ്യുക.ലിങ്ക് :https://play.google.com/store/apps/details?id=com.friggitello.newsroom_qatar_user