April 25, 2020
April 25, 2020
ദോഹ : ഖത്തറിലെ ഒരു വാണിജ്യ സ്ഥാപനത്തിൽ ഷോപ്പിംഗിനിടെ ഉപഭോക്താവ് കോവിഡ് മൂലം തലകറങ്ങി വീണുവെന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന വാർത്തകൾ അടിസ്ഥാനരഹിതമാണെന്ന് പൊതുജനാരോഗ്യമന്ത്രാലയം അറിയിച്ചു.ഇദ്ദേഹം പൂർണ ആരോഗ്യവാനാണെന്നും പെട്ടെന്ന് ക്ഷീണം അനുഭവപ്പെട്ടതിനാൽ ബാലൻസ് തെറ്റി വീഴുകയായിരുന്നുവെന്നും മന്ത്രാലയം വ്യക്തമാക്കി.എന്നാൽ ഇയാൾ വീഴുന്നതിന്റെ ചിത്രം കോവിഡുമായി ബന്ധപ്പെടുത്തി സമൂഹമാധ്യമങ്ങൾ വഴി ചിലർ വ്യാപകമായി പ്രചരിപ്പിച്ചിരുന്നു.ഇത്അടിസ്ഥാനരഹിതമാണ്.വ്യാജവാർത്തകളും സന്ദേശങ്ങളും സമൂഹമാധ്യമങ്ങൾ വഴി പ്രചരിപ്പിക്കുന്നതിൽ നിന്ന് ജനങ്ങൾ വിട്ടുനിൽക്കണമെന്നും മന്ത്രാലയം ഓർമിപ്പിച്ചു.
പൊതുജനാരോഗ്യമന്ത്രാലയം ട്വിറ്ററിലാണ് ഇക്കാര്യം അറിയിച്ചത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
