July 15, 2020
July 15, 2020
ദോഹ : ഖത്തറിൽ ഓൺ അറൈവൽ വിസയിലോ മറ്റു സന്ദർശക വിസയിലോ എത്തിയവർ ജൂലൈ 21നകം രാജ്യം വിട്ടില്ലെങ്കിൽ തുടർന്നുള്ള ഓരോ ദിവസവും 200 ഖത്തർ റിയാൽ വീതം പിഴയടക്കേണ്ടിവരുമെന്ന തരത്തിൽ തെറ്റായ വാർത്ത നൽകിയ മാധ്യമങ്ങൾ വെട്ടിലായി.ഖത്തറിലെ പ്രമുഖമായ ഒരു സ്വകാര്യ ഓൺലൈൻ പോർട്ടലിനു സംഭവിച്ച പിഴവാണ് യാതൊരു അന്വേഷണവും കൂടാതെ ചില മലയാളം ഓൺലൈൻ പോർട്ടലുകൾ കൂടാതെ മൊഴിമാറ്റി നൽകിയത്. വാർത്ത ശ്രദ്ധയിൽ പെട്ടതിനെ തുടർന്ന് ന്യൂസ്റൂം ഖത്തർ ആഭ്യന്തര മന്ത്രാലയവുമായി ബന്ധപ്പെട്ട് നടത്തിയ അന്വേഷണത്തിൽ വാർത്ത വ്യാജമാണെന്ന് കണ്ടെത്തുകയായിരുന്നു.ആദ്യം വാർത്ത നൽകിയ ഇംഗ്ലീഷ് പോർട്ടലിനെ ഇക്കാര്യം അറിയിച്ചതോടെ അവർ വാർത്ത പിൻവലിച്ചിട്ടുണ്ട്.
അതേസമയം,ബിസിനസ് വിസയിലോ കുടുംബ സന്ദർശന വിസയിലോ ടൂറിസ്റ്റ് വിസയിലോ രാജ്യത്തെത്തിയവർ വിസ പുതുക്കേണ്ടത് നിർബന്ധമാണ്.
കോവിഡിന്റെ പശ്ചാത്തലത്തിൽ സന്ദർശക വിസയിൽ ഖത്തറിൽ കഴിയുന്ന നിരവധി പേരാണ് അടിസ്ഥാനരഹിതമായ വാർത്തയുടെ പേരിൽ കഴിഞ്ഞ ദിവസം ആശങ്കയിലായത്.എന്നാൽ ന്യൂസ്റൂം നടത്തിയ വിശദമായ അന്വേഷണത്തിൽ വാർത്ത സത്യമല്ലെന്നു വെളിപ്പെടുത്തിയിട്ടും വീണ്ടും ജനങ്ങളെ തെറ്റിദ്ധരിപ്പിക്കുന്ന തരത്തിൽ തങ്ങൾ നൽകിയ വാർത്തയെ ന്യായീകരിച്ച് മലയാളത്തിലെ ഒരു വാർത്താപോർട്ടൽ രംഗത്തെത്തിയിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക