May 07, 2020
May 07, 2020
ദോഹ : ഖത്തറിൽ നിന്നും നാട്ടിലേക്ക് മടങ്ങേണ്ടവരുടെ വിവരങ്ങൾ ശേഖരിക്കാൻ ഇന്ത്യൻ എംബസി നടത്തിവരുന്ന ഓൺലൈൻ രജിസ്ട്രേഷനുമായി ബന്ധപ്പെട്ട് സമൂഹ മാധ്യമങ്ങളിൽ വ്യാജ സന്ദേശങ്ങൾ പ്രചരിക്കുന്നു. എംബസി നേരത്തെ ശേഖരിച്ച വിവരങ്ങൾ നഷ്ടപ്പെട്ടുവെന്നും അതിനാൽ നാട്ടിലേക്ക് പോകാൻ നേരത്തെ രജിസ്റ്റർ ചെയ്തവർ വീണ്ടും രജിസ്റ്റർ ചെയ്യണമെന്നുമാണ് സന്ദേശത്തിൽ ആവശ്യപ്പെടുന്നത്. വാട്സ്ആപ്പ് വഴിയാണ് ഈ സന്ദേശം പ്രചരിക്കുന്നത്. സന്ദേശം വ്യാജമാണെന്ന് ഇന്ത്യൻ അംബാസിഡർ പി.കുമരൻ ന്യൂസ് റൂമിനെ അറിയിച്ചു.
കോവിഡിന്റെ പശ്ചാത്തലത്തിൽ ഖത്തറിൽ നാട്ടിലേക്ക് മടങ്ങാൻ ആഗ്രഹിക്കുന്നവരുടെ വിവരങ്ങൾ ശേഖരിക്കാൻ ഇന്ത്യൻ എംബസി കഴിഞ്ഞയാഴ്ചയാണ് പ്രത്യേക ലിങ്ക് വഴി സൗകര്യം ഒരുക്കിയത്. ഇതിനു പിന്നാലെ 40,000 ലധികം പേർ രജിസ്‌ട്രേഷൻ പൂർത്തിയാക്കിയതിനെ തുടർന്ന് താൽകാലികമായി നിർത്തിവെച്ച രജിസ്‌ട്രേഷൻ വീണ്ടും പുനരാരംഭിച്ചിട്ടുണ്ട്. എന്നാൽ നേരത്തെ രജിസ്‌ട്രേഷൻ പൂർത്തിയാക്കിയ ആരും വീണ്ടും രജിസ്റ്റർ ചെയ്യേണ്ടതില്ല.
ഇതുവരെ രജിസ്റ്റർ ചെയ്യാത്തവർക്കായി ലിങ്ക് താഴെ:
https://docs.google.com/forms/d/e/1FAIpQLScYgQkLLvA0GvHh5dm_QEDSzqI6S8TuYGJ49JsByTnOlZ6EcA/viewform
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
