Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
മുസ്‌ലിം ജനസംഖ്യ കൂടുന്നതല്ല, കുടുംബ തകർച്ചകൾ ഉണ്ടാകുമ്പോൾ കുട്ടികളുണ്ടാകില്ലെന്ന് രാഹുൽ ഈശ്വർ

September 04, 2019

September 04, 2019

ഹിന്ദു കുടുംബങ്ങളിലാണ് ഏറ്റവും കൂടുതൽ ആത്മഹത്യകളും കുടുംബ തകർച്ചകളും സംഭവിക്കുന്നതെന്നും കുടുംബ തകർച്ച ഉണ്ടാകുമ്പോൾ കുട്ടികൾ ഉണ്ടാകില്ലെന്നും രാഹുൽ വാദിക്കുന്നു.

കൊച്ചി : സമൂഹ മാധ്യമങ്ങളിൽ മതസ്പർധയുളവാക്കുന്ന പരാമർശങ്ങൾ നടത്തിയ ആകാശവാണി ജീവനക്കാരി കെ.ആർ ഇന്ദിരക്ക് മറുപടിയുമായി രാഹുൽ ഈശ്വർ രംഗത്ത്. മുസ്‌ലിം സ്ത്രീകൾ പന്നികളെ പോലെ പെറ്റുപെരുകുകയാണെന്ന പരാമർശം മാതൃത്വം എന്ന ആശയത്തിന് എതിരായതിനാൽ അപലപിക്കപ്പെടേണ്ടതാണ്. മാതൃത്വത്തിനെതിരായ പരാമർശം ആർഷ ഭാരത സംസ്കാരത്തിന് ചേരുന്നതല്ലെന്നും ഇത്തരം പരാമർശങ്ങളോട് ഒരു തരത്തിലും യോജിക്കാൻ കഴിയില്ലെന്നും രാഹുൽ ഈശ്വർ പ്രതികരിച്ചു.

മുസ്‌ലിം ജനസംഖ്യ ക്രമാതീതമായി വർധിക്കുകയല്ല,ഹിന്ദു ജനസംഖ്യ താഴുന്നതാണ് യഥാർത്ഥ പ്രശ്നമെന്ന് രാഹുൽ ഈശ്വർ തന്റെ ഫേസ്ബുക് പേജിൽ പോസ്റ്റ് ചെയ്ത വീഡിയോയിൽ പറയുന്നു. ഇക്കാര്യത്തെ കുറിച്ച് കൂടുതൽ പഠിക്കണമെങ്കിൽ ആർ.എസ്.എസ് സർസംഘ് ചാലക് ആയിരുന്ന ഗോൾവാൾക്കറുടെ നിലപാടുകൾ മനസിലാക്കണമെന്നും രാഹുൽ വീഡിയോയിൽ പറയുന്നുണ്ട്.

കഴിഞ്ഞ അമ്പത് വർഷത്തിനിടയിൽ കേരളത്തിൽ എട്ടു മുതൽ ഒൻപത് ശതമാനം വരെ ജനസംഖ്യ കുറഞ്ഞിട്ടുണ്ട്.ഹിന്ദു കുടുംബങ്ങളിലാണ് ഏറ്റവും കൂടുതൽ ആത്മഹത്യകളും കുടുംബ തകർച്ചകളും സംഭവിക്കുന്നതെന്നും കുടുംബ തകർച്ച ഉണ്ടാകുമ്പോൾ കുട്ടികൾ ഉണ്ടാകില്ലെന്നും രാഹുൽ വാദിക്കുന്നു.

ഇതിനിടെ,അസം പൗരത്വ പട്ടികയുമായി ബന്ധപ്പെട്ട് ഫേസ്‌ബുക്കിൽ വർഗീയ വിദ്വേഷം ജനിപ്പിക്കുന്ന പോസ്റ്റിട്ടതിന് കെ.ആർ ഇന്ദിരക്കെതിരെ ഐ.പി.സി 153 പ്രകാരം ജാമ്യമില്ലാ വകുപ്പ് ചുമത്തി പോലീസ് കേസ് എടുത്തിട്ടുണ്ട്.

വീഡിയോ :

https://www.facebook.com/RahulEaswarOfficial/videos/1149888695205899/


Latest Related News